Քաղտեխնոլոգ Վիգեն Հակոբյանը Sputnik Արմենիայի հետ զրույցում անդրադարձել է Ղարաբաղյան խնդրի կարգավորման գործընթացին և Սոչիում կայացած «Վալդայ» ակումբի հավաքի ժամանակ` Ալիևի կողմից արված հայտարարություններին:
Հարությունով. «Պատերազմի դեպքում Ադրբեջանը լուրջ խնդիրներ կունենա արտաքին աշխարհի հետ»
Հակոբյանի կարծիքով՝ եթե բանակցային գործընթացում առաջխաղացում չկա, դա բացարձակապես անսպասելի չէ: Բոլորս էլ հասկանում ենք, որ Մադրիդյան սկզբունքները չեն կարող կարգավորման հիմք հանդիսանալ, որովհետև Հայաստանի շահն այդտեղ չի երևում, ուստի, այն չի կարող մեզ համար ընդունելի լինել` անկախ նրանից, թե ինչ են հայտարարում:
«ՌԴ արտգործնախարար Լավրովը փաստում է, որ անվտանգության և խաղաղության երաշխիքը շփման գոտում հենց Ռուսաստանն է՝ հավելելով, որ իրենք ամեն ինչ անելու են, որպեսզի սրացումներ չլինեն: Հավանականությունն էլ շատ քիչ է, որ կսկսվեն լայնածավալ ռազմական գործողություններ»,-նշում է Վիգեն Հակոբյանը:
Քաղտեխնոլոգի համոզմամբ՝ պետք է փորձել վերադառնալ բանակցությունների սեղանի շուրջ, ոչ թե հանդես գալ հայտարարություններով: Ընդ որում՝ երկու կողմի հայտարարություններն էլ աչքի են ընկնում կոշտ հռետորաբանությամբ:
Ալիևի խոսքում որևէ նոր բան չկար. ՀՀ ԱԳՆ–ի արձագանքն Ադրբեջանի նախագահի ելույթին
Վիգեն Հակոբյանը չի տեսնում որևէ լուրջ հնարավորություն, որ զուտ բանակցային գործընթացում, գոնե այն փաստաթղթի շրջանակում, որ դրված է սեղանին, լինեն արագ առաջխաղացումներ: Պարզապես ձգտում են ապահովել դրական ֆոն, որպեսզի հետագայում հիմք լինի ավելի լուրջ համագործակցության համար:
