ԵՐԵՎԱՆ, 10 հոկտեմբերի – Sputnik. Ամերիկահայ հեռուստաաստղ Քիմ Քարդաշյանը վստահ է, որ դեռ երկար ժամանակ չի մոռանալու Հայաստանում անցկացրած օրերը։ Նա այս մասին գրել է Instagarm–ի իր էջում և լուսանկարներ հրապարակել Էջմիածնից։
«Շնորհակալ եմ քեզ, Հայաստան, երկար եմ հիշելու այս օրերը: Լի եմ լուսավոր զգացմունքներով։ Էջմիածնում իմ երեխաների հետ, մկրտվելուց հետո»,– լուսանկարին կից գրել է նա։
Посмотреть эту публикацию в Instagram
Նա ավելացրել է, որ մկրտվել է Մայր Աթոռում, որը Հայաստանի գլխավոր տաճարն է։
«Այն երբեմն անվանում են Հայ առաքելական եկեղեցու Վատիկան»,– նշել է Քարդաշյանը։
Քիմը նույնպես մկրտվել է Էջմիածնում և եկեղեցական անուն ստացել. քավորը մանրամասներ է պատմում
Հիշեցնենք` Քիմ Քարդաշյանը քրոջ` Քորթնի ու երեխաների հետ Հայաստան էր ժամանել հոկտեմբերի 6-ի ուշ երեկոյան։ Նրանց (բացի ավագ Նորթից) մկրտել են Էջմիածնում։ Քիմը մասնակցել է WCIT համաժողովին, իսկ այդ ընթացքում Քորթնին երեխաների հետ զբոսնել է Երևանում և ճաշել ռեստորաններից մեկում, որտեղ հայերեն է խոսել անձնակազմի հետ։
Քիմին Երևանում ողողել են նվերներով. նա շնորհակալություն է հայտնել հայ դիզայներներին
Հոկտեմբերի 9-ին նրանք այցելել են Գառնի, ընդ որում, եղել են հայ դիզայներների կարած հագուստով։ Քույրերն ընտրել են նաև հայկական ապրանքանիշներից մեկի զարդերը։ Քիմն ու Քորթնին Հայաստանում են նկարահանել Keep up with the Kardashians հեռուստաշոուի հերթական դրվագը։
