ԵՐԵՎԱՆ, 10 հոկտեմբերի — Sputnik. «Հայանտառ» ՊՈԱԿ-ը 424 մլն դրամ կստանա Լոռու, Տավուշի և Սյունիքի մարզերում անտառվերականգնման աշխատանքների համար։ Հարցն այսօր` հոկտեմբերի 10-ին ՀՀ կառավարության նիստում ներկայացրեց շրջակա միջավայրի նախարար Էրիկ Գրիգորյանը:
Ստեփանավանի անտառները հատողներն ու դրա դիմաց կաշառք ստացողները կնստեն ամբաստանյալի աթոռին
«Նախատեսվում է 425 մլն 840 հազար դրամ նախատեսված գումարից 424 միլիոնը դրամաշնորհի տեսքով տրամադրել «Հայանտառ» ՊՈԱԿ-ին անտառվերականգնման աշխատանքների համար, իսկ 1.2 միլիոնը վերադարձնել պահուստային հիմնադրամ: Այս աշխատանքները աննախադեպ են: Մոտ 150 հա անտառվերականգնում և զուգահեռ տարբեր այլ աշխատանքներ կիրականացվեն»,- ասաց Գրիգորյանը:
Է՛լ դատախազի որդի, է՛լ քաղաքապետի կին, է՛լ մտերիմ. ովքեր են 12 տարի առաջ հողերի տիրացել
Հիշեցնենք, որ Սյունիքի մարզի Լեհվազ-Վարդանիձոր ավտոճանապարհին գտնվող անտառում այս տարվա օգոստոսի 11–ին խոշոր հրդեհ էր բռնկվել, որը մարելուն մասնակցում էին փրկարարներ, ՊՆ Մեղրու N զորամասից 30 զինվոր, Մեղրու ոստիկանության 45, «Հայանտառ» ՊՈԱԿ Սյունիքի մասնաճյուղի 25, «Զանգեզուր կենսոլորտային համալիր» ՊՈԱԿ-ի 15 և «Արևիկ ազգային պարկ»-ի 15 աշխատակից։
