ԵՐԵՎԱՆ, 9 հոկտեմբերի – Sputnik. Հայաստանի տնտեսական զարգացման հիմքում անհատի ջանքն է, մոտեցումը, ընկալումը: Այս մասին ասաց ՀՀ վարչապետ Նիկոլ Փաշինյանը` ելույթ ունենալով Երևանում անցկացվող «Ի՞նչ անել-2 տնտեսական հեղափոխություն. ընկալումը և գործարկումը» գիտագործնական խորհրդաժողովում:
«Շատ կարևոր է արձանագրել տնտեսագիտության մեջ վերջին շրջանում ավելի ու ավելի հաճախ և ավելի բարձրաձայն հնչող այն տեսակետը, որ տնտեսության մեջ առավել կարևոր գործոն են դառնում հոգեբանությունն ու տրամադրությունը: Եվ կարծում եմ` ժամանակակից աշխարհում առավել մեծ շեշտադրում է արվում այս իրողությունների վրա, որ հանրային տրամադրությունները, հանրային սպասումները, հանրային ակնկալիքները շատ ավելի մեծ ու գործնական նշանակություն ունեն, քան չոր թվերն ու թվերի համադրությունը»,- ասաց Փաշինյանը:
ՀՀ վարչապետը կարևորեց նման համաժողովների անցկացումը, հատկապես` հանրային տրամադրություններ ու սպասումներ ձևավորելու տեսակետից:
«Ես կարծում եմ` այն ցուցանիշները, որ մենք ունենք 2019թ-ի,ն գալիս են ապացուցելու այս թեզի ճշմարտացիությունը»,- ասաց վարչապետը:
Ձմռանը գազը չի թանկանա. ռուսական կողմի հետ բանակցությունները շարունակվում են
Հիշեցնենք` «Ի՞նչ անել-1 տնտեսական հեղափոխություն. ընկալումը և գործարկումը» գիտագործնական երկրորդ խորհրդաժողովը Երևանում անցկացվել էր մեկ տարի առաջ` 2018 թ. նոյեմբերին:
