ԵՐԵՎԱՆ, 9 հոկտեմբերի - Sputnik. Քիչ առաջ ԱԻՆ փրկարար ծառայության Շիրակի մարզային փրկարար վարչությունն ահազանգ է ստացել, որ Գյումրի քաղաքի թիվ 15 դպրոցում ռումբ է տեղադրված: Այս մասին Sputnik Արմենիայի հետ զրույցում ասաց Շիրակի մարզային փրկարար վարչության պետ Ալեքսան Գյոզալյանը։
![Ահազանգ. Գյումրու թիվ 15 դպրոցում տարհանել են երեխաներին և անձնակազմին. լուսանկարներ Ահազանգ. Գյումրու թիվ 15 դպրոցում տարհանել են երեխաներին և անձնակազմին. լուսանկարներ - Sputnik Արմենիա](https://cdn.am.sputniknews.ru/img/2070/31/20703138_0:0:1253:940_600x0_80_0_0_50d27ac7d63dd575e1ae864bc6c287d1.jpg)
«Ահազանգն ստացել ենք ժամը 10։40-ին` ոստիկանության Մուշի բաժնից: Մինչև փրկարար ծառայության տեղ հասնելը տարհանումն արդեն կատարվել էր։ Այս պահին շարունակվում են որոնողական աշխատանքները»,- նշեց Գյոզալյանը։
Դպրոցի տնօրեն Սեդա Համբարձումյանը Sputnik Արմենիայի հետ զրույցում ասաց որ իրենք դեպքի մասին իմացել են ոստիկանությունից։
![Ահազանգ. Գյումրու թիվ 15 դպրոցում տարհանել են երեխաներին և անձնակազմին. լուսանկարներ Ահազանգ. Գյումրու թիվ 15 դպրոցում տարհանել են երեխաներին և անձնակազմին. լուսանկարներ - Sputnik Արմենիա](https://cdn.am.sputniknews.ru/img/2070/30/20703013_0:0:1600:1200_600x0_80_0_0_c2b56b46ee3c27bdfff6a6a886eb0e12.jpg)
«3-րդ դասաժամն էր, եկան ոստիկանության աշխատակիցները և ասացին, որ ահազանգ կա և պետք է տարհանում իրականացվի։ Անմիջապես կազմակերպել ենք տարհանումը»,- ասաց Համբարձումյանը։
Հարցին` թե տարհանման ընթացքում իրարանցում կամ հրմշտոց չի եղել, տնօրենը պատասխանեց, որ իրենք աղետների ռիսկերի նվազեցման նպատակով պարբերաբար ուսումնական դասընթացներ են իրականացնում, որի ժամանակ աշակերտներին տարհանում են, այդ իսկ պատճառով աշակերտները մտածել են, որ հերթական ուսումնական տարհանումն է և դրան շատ հանգիստ են վերաբերել։
![Ահազանգ. Գյումրու թիվ 15 դպրոցում տարհանել են երեխաներին և անձնակազմին. լուսանկարներ Ահազանգ. Գյումրու թիվ 15 դպրոցում տարհանել են երեխաներին և անձնակազմին. լուսանկարներ - Sputnik Արմենիա](https://cdn.am.sputniknews.ru/img/2070/29/20702944_0:0:1600:1200_600x0_80_0_0_0d489fba54d1d3f2489c3cf586fc8301.jpg)
Նշենք, որ տեղում են և իրավապահները, և փրկարարական վարչության և շտապօգնության աշխատակիցները։
Ըստ որոշ լուրերի` այս պահին Գյումրի են մեկնում նաև մասնագետներ Երևանից։