ԵՐԵՎԱՆ, 8 հոկտեմբերի — Sputnik. Քիմ Քարդաշյանի ավագ դուստրը` Նորթը, Էջմիածնում քույրերի ու եղբայրների մկրտության արարողության ժամանակ կրել է երգչուհի Սիրուշոյի ապրանքանիշի զարդը։ Այդ մասին Instagram–ի սթորիզում պատմել է Սիրուշոն` հրապարակելով երեք լուսանկար։
«Հայ մայրիկ։ Նորթը հայկական զարդ է կրում։ Երբ պատմում ես երեխաներին քո արմատների մասին։ Նորթը շատ լավն է», – գրել է Սիրուշոն։
Նշենք, որ Հայաստան ժամանած Քարդաշյան քույրերը` Քիմը և Քորթնին, հոկտեմբերի 7-ին Էջմիածնում մկրտել են Քիմի կրտսեր երեխաներին։ Քիմը որդու` Փսալմի համար ընտրել է Վարդան, Չիկագոյի համար` Աշխեն, Սեյնթի համար` Գրիգոր անունները։
Համաշխարհային աստղ Քիմ Քարդաշյանը Երևան է ժամանել` մասնակցելու WCIT 2019–ին, որը մեկնարկել է հոկտեմբերի 6-ին և տևելու է մինչև հոկտեմբերի 9–ը։
Քարդաշյանը համաժողովին մասնակցում է որպես հատուկ զեկուցող և մոդերատոր։
