ԵՐԵՎԱՆ, 6 հոկտեմբերի — Sputnik. Վաշինգտոնի աջակցությունը վայելող «Սիրիական ժողովրդավարական ուժեր» (SDF) արաբ-քրդական խմբավորման ներկայացուցիչ Մուսթաֆա Բալին սպառնացել է Թուրքիային համընդհանուր պատերազմով, եթե Անկարան ռազմական գործողություն սկսի Սիրիայի հյուսիսում։ Այդ մասին Բալին գրել է Twitter-ում։
#SDF is committed to the security mechanism framework and has been taking necessary steps to preserve stability in the region. However we will not hesitate to turn any unprovoked attack by Turkey into an all-out war on the entire border to DEFEND ourselves and our people.
— Mustafa Bali (@mustefabali) 5 октября 2019 г.
«SDF-ն անվտանգության մեխանիզմների կողմնակից է և ձեռնարկում է անհրաժեշտ քայլեր տարածաշրջանում կայունություն պահպանելու համար։ Սակայն, մենք առանց երկմտանքի Թուրքիայի ցանկացած հարձակում կվերածենք ամբողջ սահմանին համընդհանուր պատերազմի ՝ մեզ ու մեր ժողովրդին պաշտպանելու համար», - գրել է խմբավորման ներկայացուցիչը։
Շաբաթ օրը Էրդողանը հայտարարել էր, որ Սիրիայի հյուսիսում՝ Եփրատից արևելք, թուրքական գործողություն սկսելու մասին որոշումը կարող է ընդունվել «այսօր կամ վաղը»։
Նա հավելել է, որ գործողության նպատակը կլինի Թուրքիային սահմանամերձ սիրիական տարածքները սիրիացի քրդերի ինքնապաշտպանական ուժերից մաքրելը, այնտեղ անվտանգության գոտի ստեղծելը և Թուրքիայում գտնվող սիրիացի փախստականներին տեղավորելը։
Սարգսյան. «Մերձավոր Արևելքի իրավիճակով պայմանավորված` սահմանախախտման դեպքերն ավելացել են»
Պենտագոնի մամուլի քարտուղար Շոն Ռոբերթսոնը հայտարարել է ՌԻԱ Նովոստիին, որ Սիրիայում Թուրքիայի ցանկացած չհամակարգված գործողություն խիստ անհանգստություն կառաջացնի ԱՄՆ-ում։
