ԵՐԵՎԱՆ, 6 հոկտեմբերի- Sputnik. Այսօր գիշերը փրկարարներն ու ոստիկանները կանխել են մի երիտասարդի ինքնասպանությունը: Այս մասին հայտնում է ՀՀ արտակարգ իրավիճակների նախարարությունը։
Նշվում է, որ ժամը 01:07-ին «911» ծառայությունն ահազանգ է ստացել, որ Կոտայքի մարզի Հրազդան քաղաքի Միկրոշրջան թաղամասի թիվ 9 շենքի բնակարաններից մեկի բնակիչը փորձում է պատուհանից ցած նետվել:
Դեպքի վայր մեկնած փրկարարները պարզել են, որ 36-ամյա Վարդան Ն.-ն վնասել է իրեն՝ կտրելով ձեռքի երակները և փորձում է նետվել 3-րդ հարկի պատուհանից:
Վանաձորում տեղի ունեցած սարսափելի սպանությունը բացահայտվել է
Փրկարարները ոստիկանության աշխատակիցների հետ միասին կանխել են վերջինիս ինքնասպանության փորձը, իսկ շտապօգնության աշխատակիցները երիտասարդին համապատասխան բուժօգնություն են ցուցաբերել:
