ԵՐԵՎԱՆ, 5 հոկտեմբերի – Sputnik. Ռուսաստանցի ռեփեր Գուֆը (Ալեքսեյ Դոլմատով) կրկին սկանդալի կենտրոնում է հայտնվել հարցազրույցի պատճառով, որում կովկասցի կանանց «хачуха» է անվանել։
Նա այդ բառն օգտագործել է Քսենյա Սոբչակի հետ հարցազրույցի ժամանակ։
Հանրությունը հասկանալի պատճառով չի ընդունել Գուֆի ասածը, և զանգվածային ճնշման տակ ռեփերը որոշել է ներողություն խնդրել։ Նա Instagram–ի իր էջում հատուկ տեսաուղերձ է հրապարակել։
Посмотреть эту публикацию в Instagram
«Հերթական անգամ սխալ եմ թույլ տվել։ Այդ բառն իմ բառապաշարում չկա։ Ներողություն եմ խնդրում բոլոր կովկասցիներից և մասնավորապես չեչեններից։ Տղամարդիկ այդպես չեն վարվում, և ես գիտակցում եմ սխալս», – ասել է Գուֆը։
Մեկնաբանություններում բաժանորդները նրան քննադատել են. «Օյ, Գուֆուշկա, ի՞նչ է քեզ հետ կատարվում», «Նորիս սկսեց լացել», «Լյոխա, չեչենական ատրճանակի տա՞կ ես ձայնագրել տեսանյութդ», «Նոր հեյթ է ժամանել», «Տպավորություն է, թե կողքին ատրճանակով կովկասցի է կանգնած», «Ավելի հաճախ ներողություն է խնդրում, քան շնչում», «Լյոխա, դու լոխ ես, և վերջ», «Դե ինչպես միշտ, ես ես չեմ...»։
Նշենք, որ Քսենյա Սոբչակին տված հարցազրույցում ռեփերը խոստովանել էր, որ իր առաջին սերը վրացուհի էր, նախկին կինը` չեչեն, որի հետ ապրել են 10 տարի, այժմ էլ կրկին վրացուհու հետ է հանդիպում։ Իր բոլոր կանանց նա ընդհանուր բնութագիր է տվել` անվանելով «хачуха»–ներ։ Տեսանյութը հրապարակվել էր Սոբչակի YouTube ալիքում հոկտեմբերի 2-ին, որից հետո նրան սկսել էին քննադատել։
Ավելի վաղ Գուֆին քննադատել էին Տիմատիի հետ համատեղ տեսահոլովակի համար, որը միլիոնավոր «դիսլայքեր» է հավաքել։ Այդ ժամանակ ևս Գուֆը հանդես էր եկել տեսաուղերձով և հայտարարել, որ չգիտեր, թե ինչի մասին է երգը, Տիմատին նրան խաբել է։
