ԵՐԵՎԱՆ, 4 հոկտեմբերի — Sputnik. Ռեժիսոր Մանե Բաղդասարյանի «Ադապտացիա» ֆիլմով այսօր կփակվի «Եվրասիա. DOC» վավերագրական ֆիլմերի փառատոնը, որն արդեն չորս օր է` ընթանում է Բելառուսի մայրաքաղաք Մինսկում։
Կարեն Հովհաննիսյանի ֆիլմը դարձել է ռուսական վարձույթի առաջատար
Մինսկում հանդիսատեսի դատին են ներկայացվել 28 ֆիլմ ԱՊՀ 12 երկրից։ Մրցութային հանձնաժողովը դիտարկել է այս միջոցառմանը մասնակցելու 150 հայտ։ Լավագույն ռեժիսորներին ու օպերատորներին կորոշի միջազգային ժյուրին, որում ընդգրկվել են հայտնի կինովավերագիրներ, քաղաքագետներ ու լրագրողներ։
«Ադապտացիա» ֆիլմը, որը նկարվել է 2017թ–ին, Մանե Բաղդասարյանի դիպլոմային աշխատանքն է։ Նա այդ պահին եղել է Երևանի թատրոնի ու կինոյի պետական ինստիտուտի ուսանողուհի։
![Երևանի ու երևանցիների մասին պատմող «Ադապտացիա» ֆիլմը կփակի «Եվրասիա.DOC» կինոփառատոնը Երևանի ու երևանցիների մասին պատմող «Ադապտացիա» ֆիլմը կփակի «Եվրասիա.DOC» կինոփառատոնը - Sputnik Արմենիա](https://cdn.am.sputniknews.ru/img/940/41/9404155_0:0:1000:519_600x0_80_0_0_4ccb9f3cfdb5dfbb4dc96a6e6cd4ffcc.jpg)
Հեղինակային ֆիլմն արդեն մասնակցել է մի քանի հեղինակային փառատոների, գործընկերներն ըստ արժանվույն են գնահատել Մանեի սցենարային, ռեժիսորական և օպերատորական աշխատանքը։ «Լուսափայլ հրեշտակ» միջազգային բարեգործական կինոփառատոնում ֆիլմը ստացել է երկու մրցանակ` «Լավագույն վավերագրական ֆիլմ» և «Լավագույն դեբյուտային վավերագրական ֆիլմ»։
![Երևանի ու երևանցիների մասին պատմող «Ադապտացիա» ֆիլմը կփակի «Եվրասիա.DOC» կինոփառատոնը Երևանի ու երևանցիների մասին պատմող «Ադապտացիա» ֆիլմը կփակի «Եվրասիա.DOC» կինոփառատոնը - Sputnik Արմենիա](https://cdn.am.sputniknews.ru/img/940/39/9403944_0:0:1000:563_600x0_80_0_0_a07588386231bc46ac13b1f72989fc6d.jpg)
«Ադապտացիա» ֆիլմը տևում է ընդամենը 21 րոպե։ Այն պատմում է Երևանի, երիտասարդ ու տարեց երևանցիների մասին։
![Երևանի ու երևանցիների մասին պատմող «Ադապտացիա» ֆիլմը կփակի «Եվրասիա.DOC» կինոփառատոնը Երևանի ու երևանցիների մասին պատմող «Ադապտացիա» ֆիլմը կփակի «Եվրասիա.DOC» կինոփառատոնը - Sputnik Արմենիա](https://cdn.am.sputniknews.ru/img/940/36/9403633_0:0:1132:1434_600x0_80_0_0_ff31c6b297544c666b5a5a1ca522c7a3.jpg)
«Գլխավոր խնդիրը, որին ուզում էի անդրադառնալ այս ֆիլմում, արտագաղթն է։ Ցավոտ թեմա է։ Չէ որ ահռելի թվով մարդիկ մշտապես լքում են մեր երկիրը, Երևանը», – ասաց Բաղդասարյանը Sputnik Արմենիային։
Նա ֆիլմում անդրադարձել է նաև ևս մի կարևոր խնդրի` բազմաթիվ տարեց մարդկանց, որոնք դատապարտված են մենության ու անտարբերության։
Իրական և դաժան փաստեր արցախյան պատերազմից. «Իմ խաչը» ֆիլմն աշխարհի մեծագույն չարիքի դեմ է