Հայաստանի տարիքային առաջնություններում պետք է սկաուտներ ներգրավել, որպեսզի հասկանալի դառնա ընդհանուր պատկերը: Sputnik Արմենային այս մասին ասաց Խորեն Քալաշյանը։
Նրա խոսքով` նոր շուկաներ են բացվում դեպի Ռուսաստան, այլ երկրներ, իսկ հայ ֆուտբոլիստները կարող են լավ մրցակցություն առաջացնել:
Ֆուտբոլային գործակալի համոզմամբ՝ մոտ ապագայում դրական շարժ կլինի, և հայ ֆուտբոլիստների պահանջարկի հարցում բնականաբար աշխուժացում կնկատվի:
Եգանյան. «Ֆուտբոլի զարգացումը համակարգային դարձնելու պատմական հնարավորություն ունենք»
«Մեր ֆուտբոլային տնտեսությունում խնդիրները շատ են, և խնդիրները հիմնականում վատ մենեջմենտի հետևանք են: Ֆուտբոլը վաղուց արդեն դարձել է մեծ ինդուստրիա, որտեղ միայն հայրենասիրությամբ հարց չի լուծվում»,- ասում է Քալաշյանը:
Նա կոչ է անում բոլոր ակումբների ղեկավարներին ու ՀՖՖ ներկայացուցիչներին համախմբվել և խնդրահարույց հարցերը քննարկել կլոր սեղանի շուրջ՝ փորձելով գտնել լուծումներ:
