Գառնիի «Քարերի սիմֆոնիայի» տարածքում այսօր ամփոփվեց ռուսաստանցի հայտնի գրող, հայ ժողովրդի բարեկամ Կիմ Բակշիի աճյունափոշին։ Այսպիսով կատարվեց գրողի վերջին ցանկությունը. Բակշին իր կտակում գրել էր, որ իր աճյունափոշու մի հատվածն ամփոփեն Հայաստանում, մյուսը` Արցախում։
Նա հոգու խորքում հայ էր. Կիմ Բակշիի աճյունափոշին կամփոփվի Գառնիի կիրճում և Շուշիում
«Իմ այս նամակով և վերջին ցանկությամբ ես կրկին հաստատում եմ Հայաստանի, Արցախի հանդեպ իմ անդավաճան սերը, որը, կարծում եմ, ապացուցել եմ հայ ժողովրդին հիսուն տարի ծառայելու ընթացքում»,– իր կտակում գրել էր նա։
Արարողությանը մասնակցելու համար Հայաստան էր ժամանել Բակշիի այրին` Պոլինա Բոգդանովան։
Նշենք, որ Բակշին մահացել է այս տարվա մարտի 5-ին Մոսկվայում։
Կյանքի մի մասը հայերիս նվիրած Կիմ Բակշին. ինչպե՞ս կարայիմը հայ դարձավ
