ԵՐԵՎԱՆ, 3 հոկտեմբերի - Sputnik. ՀՀ ոստիկանությունը Նոր Նորք վարչական շրջանում խոշոր չափերի չարաշահումներ է արձանագրել։ Քննությամբ ձեռք բերված նախնական տվյալների համաձայն` վարչական շրջանի ղեկավարը և մի շարք պաշտոնատար անձինք, չարաշահելով պաշտոնեական դիրքը, 2012-2018թթ. ֆիզիկական և իրավաբանական անձանց տարաբնույթ թույլտվություններ տրամադրելու, ինչպես և վարչական շենքում տրված տարածքների հետագա օգտագործման համար, բացի պետական տուրքերից և վճարներից, պարտադրել են հավելյալ գումար վճարել «Նոր Նորք» զարգացման հիմնադրամին` հակառակ դեպքում սպառնալով լուծել պայմանագիրը: Այս մասին հայտնում են ՀՀ ոստիկանությունից։
Պաշտոնատար անձինք, այս պահին քննությանը հայտնի տվյալների հիման վրա, նրանց պարտադրել են հիմնադրամին վճարել մոտ 11 միլիոն 250 հազար դրամ:
Բացի այդ, 2014-2016թթ. մի շարք տոների, նաև Եղեռնի զոհերի հիշատակի օրվա և այլ միջոցառումների իրականացման համար վարչական շրջանի բյուջեից դուրս են գրվել ֆինանսական միջոցներ, որոնցով իրականացվել են հիշյալ միջոցառումները, այնուհետև վարչական շրջանի պաշտոնատար անձինք, նախապես համաձայնության են եկել «Նոր Նորք» զարգացման հիմանդրամի տնօրինության հետ, և նույն միջոցառումները հիմնադրամի միջոցով կատարելու պատրվակով` հիմնադրամի դրամարկղից 2014-2016 թթ. դուրս են գրել գումար և կանխիկ փոխանցել թաղապետարանի պաշտոնատար անձանց, որոնք, յուրացրել են իրենց վստահված, առանձնապես խոշոր չափերի` ընդհանուր մոտ 7 միլիոն դրամ:
Սևանի հոգեբուժական հիվանդանոցում 50 մլն դրամի չարաշահումներ են հայտնաբերել
«Նոր Նորք» զարգացման հիմնադրամի գործունեությունը 2016թ. դեկտեմբերից դադարեցված լինելու պայմաններում` վարչական շրջանի որոշ պաշտոնյաներ վարչական շենքում տարածքներ վարձակալած անձանց չտեղեկացնելով այդ մասին, 2017թ. հունվարից մինչև 2018թ-ի մայիս ամիսը շարունակել են, արդեն կանխիկ եղանակով, գանձել գումար` այդ կերպ, ըստ նախնական տվյալների, խարդախությամբ հափշտակելով մոտ 900 հազար դրամ:
Չարաշահումներ հեռախոսների վաճառակետերում. «Մոբայլ Սենթրն» ու այլ խոշորներ զգուշացվել են
Առերևույթ հանցագործության դեպքերի առթիվ հարուցվել է քրեական գործ:
Ձեռնարկվում են միջոցառումներ` բոլոր հանգամանքերը պարզելու ուղղությամբ:
Նախաքննությունը շարունակվում է:
