ԵՐԵՎԱՆ, 1 հոկտեմբերի — Sputnik. Ջերմուկ համայնքի ղեկավարի դեմ քրեական գործ է հարուցվել. նա պաշտոնեական դիրքն է չարաշահել։ Այս մասին հայտնում է ՀՀ ոստիկանությունը։
«Չարաշահելով պաշտոնեական լիազորությունները և դրանք օգտագործելով համայնքի և պետության օրինական շահերին հակառակ՝ 2006-ին նա կազմել է պաշտոնական փաստաթուղթ հանդիսացող կեղծ տեղեկանք։ Ըստ տեղեկանքի` Ջերմուկ համայնքի վարչական սահմաններում գտնվող նախկին օդանավակայանի տարածքն իբր ընդգրկված չէ ՀՀ հողային օրենսգրքի 60-րդ հոդվածով նախատեսված հողամասերի կազմում»,–նշված է հաղորդագրության մեջ։
Կեղծ փաստաթղթի հիման վրա ստանալով համայնքի ավագանու համաձայնությունը՝ 60 հա մակերեսով նշված հողատարածքը ներկայացրել է աճուրդի, ինչից հետո ձևական աճուրդ կազմակերպելով՝ ՀՀ ԱԺ նախկին պատգամավորի որդուն օտարել է 486.000.000 դրամ կադաստրային արժեքի 30 տոկոսով նվազ` 153.300.000 դրամով:
«Արդշինբանկի» կառավարիչը 122 մլն դրամ է հափաշտակել և փախուստի դիմել
Պարզվել է նաև, որ 2018-2019թթ. համայնքի ֆինանսական միջոցներից նա խարդախությամբ հափշտակել է խոշոր չափի՝ 1.450.000 դրամ: Ջերմուկի Հեր-Հեր գյուղի փողոցային լուսավորության կառուցման աշխատանքներն իրականացնող ՍՊԸ տնօրինությունը նախագծով նախատեսված աշխատանքները կատարել է մասնակի, իսկ համայնքի ղեկավարը կազմել է կեղծ կատարողական ակտեր ու գումար հափշտակել։
Կատարվում է նախաքննություն:
«Օֆշորի արքայի» գործով նոր մանրամասներ են հայտնի դարձել. «Ժողովուրդ»
Հիշեցնենք, որ Ջերմուկ համայնքի ղեկավարը Վարդան Հովհաննիսյանն է, որն ընտրվել է 2016–ին։ Մինչ այդ, նա Ջերմուկի ղեկավար է ընտրվել 2006–ին. վերընտրվել է 2010, 2014 թվականներին։
