Քաղաքագետ Կնյազ Սարոյանը Sputnik Արմենիայի եթերում իր տեսակետներն է ներկայացրել՝ կապված քաղաքական դաշտի ներկա վիճակի, հնարավոր վերադասավորումների, նոր քաղաքական ուժերի ի հայտ գալու և այն ամենի մասին, թե որքանով է իրատեսական առաջիկայում արտահերթ խորհրդարանական ընտրությունների անցկացումը։
«Անցած մեկուկես տարվա ընթացքում, բնականաբար, գործ ունենք իրավիճակի փոփոխության հետ։ Ամբողջ խնդիրն այն է, որ Հայաստանի պարագայում քաղաքական համակարգը տարիներ շարունակ նույն խաղի կանոններով կայուն է եղել, և 2018 թվականի ապրիլյան իրադարձությունները շոկային ու ցնցումային էին ոչ միայն այն ժամանակ իշխող Հանրապետական կուսակցության համար, այլև ամբողջ քաղաքական դաշտի»,-արձանագրում է քաղաքագետը։
Ըստ Սարոյանի`մի շարք քաղաքական ուժեր այդ ընթացքում հասկացան, որ խնդիրներ ունեն իրենց ընտրազանգվածի հետ, և դա էլ պատճառ դարձավ, որ քաղաքական որոշ ուժեր մնացին ստվերում։
«Հիմա հետհեղափոխական դասական իրավիճակ է, որտեղ հեղափոխական էյֆորիան աստիճանաբար իր տեղը զիջում է ռացիոնալ դատողությանը, և այդ ռացիոնալության կոմպոնենտը ի հայտ է գալիս ոչ միայն իշխող ուժի, այլև հանրության շրջանում»,-նկատում է Սարոյանը։
Գեղամյան․ «Թուրքիայի սոցիալ-տնտեսական լճացումը հնարավորություն է ընդդիմության համար»
Քաղաքագետի խոսքով`դա է պատճառը, որ հեղափոխական իշխանությունն ունենում է վարկանիշային խնդիրներ։
«Այն բարձր լեգիտիմությունը, որ իշխանությունն ուներ հեղափոխության սկզբում, չի կարող պահպանվել մեկուկես տարի անց, քանի որ իշխանությունն այս ընթացքում բախվել ու բախվում է խնդիրների, իսկ դա «real politik»-ն է»,-նշեց Սարոյանը։
Քոչարյան. «Դավիթ Շահնազարյանը մի բան է գրել, որի տակ ստորագրում եմ»
Նրա գնահատմամբ` այլ բան է միշտ լինել ընդդիմություն ու քննադատել իշխանություններին, մեկ այլ բան` երբ ինքդ ես ստանձնում այդ պատասխանատվությունը` լինելով իշխանություն։
