ԵՐԵՎԱՆ, 29 սեպտեմբերի - Sputnik. Հայաստանը ԵԱՏՄ-ում Սինգապուրի կարևոր գործընկերն է: Այս մասին այսօր Երևանում, լրագրողների հետ հանդիպման ժամանակ, ասաց Սինգապուրի վարչապետ Լի Սյեն Լուն:
«Առաջին հայացքից մեր երկրները միմյանցից շատ տարբեր են. նախ շատ հեռու են, ապա նրանցից մեկը կղզի պետություն է, իսկ մյուսը չունի ելք դեպի ծով: Երկու պետություններն էլ տարբեր ուղիներով են հասել անկախության: Բայց իրականում մենք նման ենք», - ասաց Սյան Լուն:
Նա շեշտեց, որ երկու պետություններն էլ ԵԱՏՄ-ի և Սինգապուրի միջև Ազատ առևտրի համաձայնագրի ստորագրման ջատագովներն են:
«Սինգապուրի համար մեծ պատիվ է սույն պայմանագրում առաջին գործընկերը լինելը: Ես շնորհակալ եմ Նիկոլ Փաշինյանին նախաձեռնության, այս արդյունքի և միջոցառման կազմակերպման համար», - ասաց Սյան Լուն:
Նա հույս հայտնեց, որ ԵԱՏՄ-ի հետ հարաբերություններն էլ ավելի կամրապնդվեն և ճանապարհ կբացեն Եվրասիական միության և ԱՍԵԱՆ-ի (Հարավարևելյան Ասիայի պետությունների ասոցիացիա) միջև համագործակցության համար:
ՀՀ վարչապետ Նիկոլ Փաշինյանը նշեց, որ հետևողական են մեծացնել Սիգապուրի հետ բարեկամական հարաբերությունները, ունեն հետաքրքիր ընդհանրություններ, թեև երկու երկրներն էլ հարուստ չեն բնական ռեսուսներով։ «ԵԱՏՄ բարձարգույն խորհրդի նիստի ժամանակ Սինգապուրի հետ ԵԱՏՄ անդամ երկրները կստորագրեն ԵԱՏՄ համապարփակ շրջանակային համաձայնագիր և ազատ առևտրի համաձայանգիր, նաև ծառայություների առևտրի և ներդրումների մասին համաձայնագիր։ Ուրախ ենք, որ դա կստորագրվի ՀՀ-ի ԵԱՏՄ ղեկավարման ընթացում, որի համար ՀՀ-ն մեծ ջանքեր է գործադրել։ Այս կարևոր հենքի վրա կաշխուժանան ՏՏ նորարարությունների ոլորտներում երկու երկրների համագործակցությունը»,- ասաց նա։
Նշենք, որ Սինգապուրի վարչապետը Հայաստան է ժամանել պաշտոնական այցով ՝ վարչապետ Նիկոլ Փաշինյանի հրավերով: Հոկտեմբերի 1-ին Լի Սյեն Լուն կմասնակցի Եվրասիական բարձրագույն տնտեսական խորհրդի ընդլայնված նիստին, որի ընթացքում կստորագրվի ԵԱՏՄ - Սինգապուր ազատ առևտրի մասին համաձայնագիրը:
