«Որքան գեղեցիկ ես». դիմահարդարման վարպետ Գոհար Ավետիսյանը՝ Վարդայի նոր կերպարի մասին

ԵՐԵՎԱՆ, 29 սեպտեմբերի –Sputnik. Դիմահարդարման վարպետ Գոհար Ավետիսյանը հիացած է pole dance–ի աշխարհի չեմպիոն Վարդայի (Վարդանուշ Մարտիրոսյան) լուսանկարով, որը պարուհին տեղադրել էր Instagram–ի իր էջում։ Գեղեցիկ դիմահարդարման և ոճի փորձագետը հաճոյախոսություն է արել իր հայ ընկերուհու հասցեին։

Ավելի վաղ Վարդան Instagram–ի իր էջում համեստ լուսանկար էր հրապարակել, որն արվել էր սրճարանում։ Լուսանկարում նա պատկերված է սպիտակ դասական ոճի վերնաշապիկով սպիտակ գինու գավաթով, իսկ սեղանին նրա դիմաց դրված է ախորժելի ուզբեկական լապշա և մեկ բաժակ բուրավետ սուրճ։ Միևնույն ժամանակ Վարդան «դիմահարդարում է արել առանց դիմահարդարման»։ Միայն խնամված կարմիր եղունգներն են «էկզոտիկա» հաղորդում նրա արտասովոր գործնական կերպարին։

«Սիրում եմ ճանապարհորդությունները, որոնք կապված են ոչ միայն հանգստի, այլև աշխատանքի հետ», – լուսանկարին կից գրել է Վարդան։

Մեկնաբանություններում առաջինը գնահատական է տվել Գոհար Ավետիսյանը։ «Որքան գեղեցիկ ես», – գրել է նա` գրառման վերջում «սրտիկ» դնելով։

Թեպետ, ոչ միայն նա է գնահատել Վարդայի նուրբ կերպարը։  Բազմաթիվ երկրպագուները նույնպես նշել են, որ ողջունում են պարուհու նոր համեստ  կերպարը։

«Ինչ գեղեցիկ և երջանիկ կին է։ Վարդա, հուշեք ինչ շրթներկ կամ մատիտ եք օգտագործել, այնքան բնական է։ Այնքան հաճելի է ձեզ նայելը։ Այնքան լուսավոր եք։ Քնքուշ աղջիկ։ Շատ գեղեցիկ և նուրբ եք այս լուսանկարում», – գրում են օգտատերերը։

Նշենք, որ հայտնի պարուհին մինչև վերջերս թաքցնում էր իր ընտրյալին և համատեղ լուսանկարներ չէր հրապարակում։ Սակայն ամուսնությունից հետո Վարդան վերջապես ցույց տվեց, թե ով է ամուսինը։ Վարդայի լուսանկարներին հաջորդող մեկնաբանություններում ամենաշատ հնչող հարցը վերաբերում էր ամուսնու ազգությանը։ Շատերը համոզված էին, որ նա հայ է։ Վարդան , սովորաբար, հարցին չէր պատասխանում, բայց մի օր խոստովանեց, որ ընտրյալը ռուս է։

Հիշեցնենք՝ Վարդան  ծնվել է 1985 թվականի մարտի 3-ին Կրիվոյ Ռոգում` բազմազավակ ընտանիքում։ Ստացել է երկու բարձրագույն կրթություն` էստրադայի և զանգվածային տոների բեմադրիչի ու ֆիզիկական դաստիարակության մենեջեր-մարզչի։

Վարդան մեծ հաջողությունների է հասել pole-dance–ում և նվաճել է աշխարհի ամենահեղինակավոր տիտղոսները` հանդես գալով «Սև հրեշտակ» կեղծանունով։