ԵՐԵՎԱՆ, 29 սեպտեմբերի - Sputnik. Սինգապուրի վարչապետ Լի Սյեն Լուն Twiter-ի իր էջում Երևանի Հանրապետության հրապարակի երգող շատրվանների մասին փոքրիկ տեսանյութ է տեղադրել:
«Ես ժամանել եմ Երևան, Հայաստանի մայրաքաղաք, որտեղ կմասնակցեմ Եվրասիական բարձրագույն տնտեսական խորհրդի առաջիկա նիստին»,- գրել է Սյան Լուն:
Have arrived in Yerevan, the capital of Armenia. Will be attending the upcoming session of the Supreme Eurasian Economic Council. – LHL https://t.co/EHHRRe4iWJ pic.twitter.com/nfnrYFEtwL
— Lee Hsien Loong (@leehsienloong) 29 сентября 2019 г.
Նշենք, որ Սինգապուրի վարչապետը պաշտոնական այցով Հայաստան է ժամանել իր հայ գործընկերոջ ՝ Նիկոլ Փաշինյանի հրավերով:
Այցի շրջանակում երկու երկրների վարչապետները զանգվածային լրատվամիջոցների ներկայացուցիչների համար հանդես կգան համատեղ ասուլիոսով:
Նախատեսվում են նաև Սինգապուրի վարչապետի հանդիպումները նախագահ Արմեն Սարգսյանի, Գարեգին երկրորդ Ամենայն Հայոց կաթողիկոսի, Ազգային ժողովի նախագահ Արարատ Միրզոյանի հետ:
Լի Սյեն Լունը կայցելի Ծիծեռնակաբերդի հուշահամալիր՝ հարգանքի տուրք մատուցելու Հայոց ցեղասպանության զոհերի հիշատակին:
Սինգապուրի վարչապետը հոկտեմբերի 1-ին Երևանում կմասնակցի նաև Եվրասիական բարձրագույն խորհրդի ընդլայնված կազմով նիստին, որի ընթացքում նախատեսվում է ԵԱՏՄ-ի և Սինգապուրի միջև Ազատ առևտրի գոտու ստեղծման համաձայնագրի ստորագրման արարողությունը:
Սինգապուրի վարչապետը ժամանեց Հայաստան. լուսանկարներ
Հիշեցնենք՝ այս տարվա հուլիսին Հայաստանի վարչապետն էր այցելել Սինգապուր։
