ԵՐԵՎԱՆ, 28 սեպտեմբերի – Sputnik. ՀՀ վարչապետի տիկին, «Իմ քայլը» և «City of smile/Ժպիտների քաղաք» բարեգործական հիմնադրամների հոգաբարձուների խորհրդի նախագահ Աննա Հակոբյանը սեպտեմբերի 28-ին ներկա է գտնվել «Իմ ուղին» մասնագիտական ուսուցման և զբաղվածության սոցիալ-աբիլիտացիոն ցերեկային կենտրոնի բացման արարողությանը։
Գումարի ծագումն անձամբ ինձ համար կապ չունի. Աննա Հակոբյան
Աննա Հակոբյանը շրջել է կենտրոնով, ծանոթացել նոր մասնաշենքի պայմաններին, ինչպես նաև շնորհակալագիր ստացել կենտրոնի սաներից` մասնաշենքի վերակառուցմանը ցուցաբերած աջակցության համար։
![Աննա Հակոբյանը ներկա է գտնվել «Իմ ուղին» կենտրոնի նոր մասնաշենքի բացման արարողությանը Աննա Հակոբյանը ներկա է գտնվել «Իմ ուղին» կենտրոնի նոր մասնաշենքի բացման արարողությանը - Sputnik Արմենիա](https://cdn.am.sputniknews.ru/img/2057/50/20575008_0:0:1024:683_600x0_80_0_0_8aa8345b56e51542264ea673c32a556e.jpg)
«Իմ ուղին» վերականգնողական կենտրոնի նորաբաց մասնաշենքում մասնագիտական կողմնորոշում և հմտություններ կստանան աուտիզմ ունեցող 80 դեռահասներ։
![Աննա Հակոբյանը ներկա է գտնվել «Իմ ուղին» կենտրոնի նոր մասնաշենքի բացման արարողությանը Աննա Հակոբյանը ներկա է գտնվել «Իմ ուղին» կենտրոնի նոր մասնաշենքի բացման արարողությանը - Sputnik Արմենիա](https://cdn.am.sputniknews.ru/img/2057/48/20574821_0:0:1024:682_600x0_80_0_0_e700c3426f18cf5c7c5b9a11b4e5349e.jpg)
Նորաբաց կենտրոնում արտթերապիայի շրջանակում գործում են ստեղծագործական բազմատեսակ աշխատանքներ՝ թղթի արտադրություն, բացիկների պատրաստում, գեղանկարչություն, կավագործություն, բատիկա, իսկ երաժշտաթերապիայի շրջանակում գործում են դաշնամուրի, երգեցողության և պարի դասարաններ, խոհարարություն։ Կենտրոնի սաները կուսանեն նաև համակարգչային գիտելիքներ, այգեգործություն, կզբաղվեն սպորտով։
![Աննա Հակոբյանը ներկա է գտնվել «Իմ ուղին» կենտրոնի նոր մասնաշենքի բացման արարողությանը Աննա Հակոբյանը ներկա է գտնվել «Իմ ուղին» կենտրոնի նոր մասնաշենքի բացման արարողությանը - Sputnik Արմենիա](https://cdn.am.sputniknews.ru/img/2057/48/20574826_0:0:1024:683_600x0_80_0_0_0556f5719dff7cd7e49eba54c470dac0.jpg)
«Իմ քայլը» հիմնադրամը «Աղքատության փուլային հաղթահարման›› ծրագրի շրջանակում աջակցել է կենտրոնի նոր մասնաշենքի վերանորոգման և վերակառուցման աշխաանքներին՝ հատկացնելով 14 մլն 400․000 դրամ։