ԵՐԵՎԱՆ, 27 սեպտեմբերի — Sputnik. Սալվադորի նախագահ Նայիբ Բուկելեն ՄԱԿ-ի Գլխավոր ասամբլեայի 74-րդ նստաշրջանին իր ելույթից առաջ սելֆի է արել և լուսանկարը անմիջապես տեղադրել է թվիթերյան իր էջում:
«ՄԱԿ-ի գլխավոր ասամբլեայի 74-րդ նստաշրջանին ձեր առջև գտնվելն ինձ համար մեծ պատիվ է, դրա համար կցանկանայի տպավորություններս կիսվել ամբողջ աշխարհի հետ»,- ՌԻԱ Նովոստիի փոխանցմամբ ասել է Բուկելեն՝ սելֆի անելուց հետո:
#UNSelfie pic.twitter.com/P7qH5p2l04
— Nayib Bukele (@nayibbukele) September 26, 2019
Սելֆին, սակայն, Նայիբ Բուկելեի միակ «նորարարությունը» չէր։ Նա ամբիոնից հայտարարել է նաև կազմակերպության աշխատանքի ձևաչափը փոխելու անհրաժեշտության մասին: Քաղաքական գործչի խոսքով՝ Գլխավոր ասամբլեայի ձևաչափը հնացած է, մինչդեռ սոցիալական ցանցերի տեսանյութերն ու լուսանկարներն ավելի ու ավելի մեծ ազդեցություն են ունենում համաշխարհային լսարանի վրա:
President of El Salvador @nayibbukele at #UNGA from the other angle. pic.twitter.com/S3SStadY7c
— United Nations Photo (@UN_Photo) September 26, 2019
«Մենք հիանալի հնարավորություն ունենք օգտագործելու սոցցանցը, որպեսզի ոչ միայն պահպանենք Գլխավոր ասամբլեայի նշանակությունը, այլև այն ավելի բարձրացնենք։ Կամ մենք բոլորս` ՄԱԿ-ի համակարգը, քաղաքական գործիչները, կառավարությունները և այլն, կարող ենք անտեսել այդ հնարավորությունը և սպասել, որ մեզ հետ տեղի ունենա այն, ինչ եղավ Kodak-ի և Blockbuster-ի (կինոյի վարձույթի ծառայություն) հետ», - նշել է Բուկելեն:
Նշենք, որ սեպտեմբերի 24–ին ՄԱԿ–ի Գլխավոր ասամբլեայի 74-րդ նստաշրջանում ելույթ է ունեցել նաև ՀՀ վարչապետ Նիկոլ Փաշինյանը։
