Կառավարության վերջին նիստում ավտոմեքենաների պետական գրանցման կարգի վերաբերյալ ընդունված որոշումը դրական անդրադարձ կարող է ունենալ ավտոմեքենաների գրանցման աշխատանքների դյուրացման և հերթերի նվազեցման գործում։ Այս մասին Sputnik Արմենիայի հետ զրույցում ասաց «Ճանապարհային երթևեկության անվտանգություն և վերահսկողություն» ՀԿ նախագահ Սերգեյ Ղահրամանյանը։
«Ճանապարհային երթևեկության անվտանգություն և վերահսկողություն» ՀԿ նախագահ Սերգեյ Ղահրամանյանը դրական է արձագանքել կառավարության վերջին նիստում ավտոմեքենաների պետական գրանցման կարգի վերաբերյալ ընդունված որոշումը, որով լրացումներ ու փոփոխություններ են արվել դեռ 9 տարի առաջ ընդունված որոշման մեջ:
«9 տարի առաջ ընդունված որոշման մեջ կատարած կարևորագույն փոփոխություններից մեկն այն է, որ վերացվում է ՀՀ-ում արդեն իսկ գրանցված (հաշվառված) տրանսպորտային միջոցների հաշվառման գործընթացում ՃՈ ՀՔԲ (հաշվառման-քննական բաժին, խոսակցական՝ ՄՌՈՒ) ներկայացնելու պարտադիր պահանջը»,- ասաց նա:
Բացի այդ, հանվում է նաև սեփականության իրավունքի պետական գրանցման վկայականի ստուգման գործառույթը, այն հիմնավորմամբ, որ ՃՈ էլեկտրոնային բազայում պահպանվում են սեփականատերերի տվյալները:
Ժամկետների մեջ տեղավորվում են. Գյումրու ավտոմաքսատունը հոկտեմբերից կաշխատի
«Հասկանալի է, որ խոսքն արդեն իսկ Հայաստանում գրանցված ավտոմեքենաների մասին է և նոր ներկրվողներին չի վերաբերում»,- նշեց նա:
Անձնագրային բաժանմունքներում մանրը վերադարձնող սարքեր կտեղադրեն, հերթերն էլ կառավարելի կդառնան
Ղահրամանյանի դիտարկմամբ` հիշյալ ՀՔԲ-ների (կամ ՄՌՈՒ-ների) մոտ հերթերում գտնվող անձանց 35-40 տոկոսը հենց գրանցված մեքենաների պատճառով են այդտեղ: Կառավարույթան նոր որոշումը թույլ է տալիս ենթադրել, որ առնվազն այդ չափով հերթերը կթեթևանան, ինչն էլ, իր հերթին կանդրադառնա Ճանապարհային ոստիկանության հաշվառման-քննական ստորաբաժանումների աշխատանքի արագության ու արդյունավետության վրա:
