ԵՐԵՎԱՆ, 25 սեպտեմբերի – Sputnik. ՊԲ հակաօդային պաշտպանության ստորաբաժանումները հակառակորդի ORBITER-2 տիպի անօդաչու թռչող սարք են խոցել։ Այս մասին հայտնում է Արցախի պաշտպանության նախարարության մամուլի ծառայությունը։
Անօդաչուն խոցվել է այսօր` սեպտեմբերի 25-ին, ժամը 10:15-ի սահմանում։
Թռչող սարքը հետախուզական թռիչք է իրականացրել Ակնայի հատվածում։
Հիշեցնենք` սեպտեմբերի 22-ին՝ ժամը 16:15-ի սահմաններում, արցախա-ադրբեջանական հակամարտ զորքերի շփման գծի հարավ-արևելյան հատվածում տեղակայված մարտական դիրքերից մեկի ուղղությամբ հակառակորդը ձեռնարկել էր դիվերսիոն ներթափանցման փորձ։
