ԵՐԵՎԱՆ, 24 Սեպտեմբեր — Sputnik. Այսօր, սեպտեմբերի 24-ին խոշոր ավտովթար է տեղի ունեցել Երևանում։ Ժամը 10։25-ի սահմաններում Երևանի Կոմիտասի պողոտայի Փափազյան փողոցի խաչմերուկում բախվել են Ford Transit մակնիշի 489 SU 54 համարանիշի և Hyundai Sonata մակնիշի 36 AQ 563 համարանիշի ավտոմեքենաները։
Բախման հետևանքով Ford Transit-ը, որը հաշվառված է Սյունիքի մարզի Սիսիանի բժշկական կենտրոնի հաշվեկշռում, դուրս է եկել հանդիպակած երթևեկելի գոտի։ Վթարի վայր ժամանած Երևանի շտապօգնության բժիշկների հերթապահ խումբը տեղում օգնություն է ցուցաբերել վիրավորներին, որոնցից մեկին տեղափոխել են հիվանդանոց։
Ըստ տեղեկությունների` դեպքի վայրում հավաքված քաղաքացիները պատմել են, որ վթարի մեղավորը եղել է շտապօգնության ավտոմեքենան, որը լուսային և ձայնային ազդանշանները չի միացրել։ Մինչդեռ վարորդը հակառակն է պնդել։
Հայտնաբերվել է ՀՀ նախկին ոստիկանապետի դին
Նշվում է նաև, որ երբ ԱՊՊԱ գործակալը շտապօգնության մեքենայի վարորդից պահանջել է փաստաթղթերը, վերջինս հայտնել է, որ վարորդական իրավունքի վկայականն ու ավտոմեքենայի տեխնիկական անձնագիրն իր մոտ չի, մնացել են Սիսիանում։
Ոստիկանությունը պարզում է վարորդների և վիրավորի ինքնությունը։
Փաստի առթիվ նյութեր են նախապատրաստվում։
