Նիկոլ Փաշինյանն ԱՄՆ-ում կանդրադառնա Հայաստանի բարեփոխումների ներքին օրակարգին, կոռուպցիայի դեմ պայքարին, դատաիրավական համակարգի փոփոխություններին՝ որոշակի տեղեկատվություն կտրամադի միջազգային հանրությանը հետհեղափոխական Հայաստանի ներքաղաքական օրակարգի վերաբերյալ: Այս մասին Sputnik Արմենիայի հետ զրույցում ասաց քաղաքագետ Նարեկ Մինասյանը։
Նրա համոզմամբ՝ վարչապետն, անշուշտ, կանդրադառնա արտաքին քաղաքական գերակայություններին ու ղարաբաղյան խնդրի կարգավորման գործընթացին՝ ներկայացնելով Հայաստանի դիրքորոշումը, ինչը բավական կարևոր է՝ հաշվի առնելով տվյալ հարթակի միջազգային կարևորությունը:
«Նախևառաջ անհրաժեշտ է հստակեցնել հատկապես այն ոլորտները, որոնց հետ կապված հայկական կողմը պատրաստակամ է և ցանկանում է համագործակցել միջազգային գործընկերների հետ: Հստակությունը կարող է օգնել տարբեր գործընկերների, այդ թվում՝ ԱՄՆ-ի կողմից ցուցաբերվող աջակցությանը»,- նշեց Մինասյանը:
Ժամանակը ցույց կտա, թե ով կամ ինչը կհայտնվի աղբանոցում. Վանեցյանը պատասխանել է Փաշինյանին
Քաղաքագետի կարծիքով՝ շատ կարևոր է դիվերսիֆիկացնել Միացյալ Նահանգների հետ համագործակցությունը, այսինքն՝ չսահմանափակվել միայն նախագահ Թրամփի աշխատակազմով, համագործակցել Կոնգրեսի երկու պալատների հետ՝ հաշվի առնելով հայկական համայնքի լոբբիստական ակտիվ աշխատանքը տեղի կառույցների հետ: Պետք է աշխատել քաղաքական բոլոր թևերի հետ՝ առաջ տանելով հայաստանյան օրակարգը:
«Սերժ Սարգսյանը և Ռոբերտ Քոչարյանը կոպեկ առ կոպեկ հետ են վերադարձնելու թալանածը». Փաշինյան
Մինասյանը նշում է, որ տարիների ընթացքում հայկական կողմի հետ բանակցությունների ժամանակ ամերիկյան պատվիրակների աստիճանը բարձրացել է, ինչը հստակ դինամիկա է, բայցևայնպես, Թրամփ-Փաշինյան հանդիպումը չի կարող ինքնանպատակ լինել: Դրա համար անհրաժեշտ է, որ օրակարգ հասունանա, առավել ևս, որ հայկական կողմն այսօր ամերիկյան կողմին իր մեսիջները հասցնելու հարցում որևէ խնդիր չունի:
