ԵՐԵՎԱՆ, 21 սեպտեմբերի — Sputnik, Արմենուհի Մխոյան. Գյումրիում այսօր աննկարագրելի եռուզեռ է: Գյումրեցիներն աշխարհի հայերի հետ տոնում են Հայաստանի անկախության օրը։ Քաղաքի բոլոր հատվածներում բարձր տրամադրություն է և ուրախ երաժշտություն: Ուրախ անցուդարձը զարմացրել և հիացրել է բոլորին՝ գյումրեցիներից մինչև աշխարհի տարբեր ծայրերից քաղաք եկած զբոսաշրջիկները:
![«Ծո՛, ինչղ լավ է, հբը օր կսեինք` աշխարհի կենտրոնը Գյումրին է». տոնական հայրաքաղաքը «Ծո՛, ինչղ լավ է, հբը օր կսեինք` աշխարհի կենտրոնը Գյումրին է». տոնական հայրաքաղաքը - Sputnik Արմենիա](https://cdn.am.sputniknews.ru/img/2048/12/20481238_0:0:1600:1200_600x0_80_0_0_0583431a57aed7a8031a7229881b853f.jpg)
Գյումրեցիք ևայսօր միաբերան ասում են. «Ծո՛, օղուլ, ինչղ լավ է, հավեսս գուկա» ու հետն էլ պարծենում՝ «հբը օր կսեինք` աշխարհի կենտրոնը Գյումրին է»:
Սեպտեմբերի 21-ը զորամասում. Փաշինյանը ցույց է տվել զինվորի տոնական սննդակարգը. տեսանյութ
Ռոմա Իմշինիցկին, որը Գյումրի է եկել Ուկրիանայից, անկեղծանում է՝ չէր սպասում նման ակտիվություն: «Մի քանի ամիս է՝ Երևանում էի, ցանկացա Հայաստանի այլ քաղաքները ևս տեսնել, եկա ու մեծ տոնակատարության հանդիպեցի: Ամեն ինչ շատ-շատ լավ է, միայն եթե ավելի շատ խմիչք լիներ, էլ ավելի լավ կլիներ»,- ծիծաղով ասում է ուկրաինացի հյուրը:
![«Ծո՛, ինչղ լավ է, հբը օր կսեինք` աշխարհի կենտրոնը Գյումրին է». տոնական հայրաքաղաքը «Ծո՛, ինչղ լավ է, հբը օր կսեինք` աշխարհի կենտրոնը Գյումրին է». տոնական հայրաքաղաքը - Sputnik Արմենիա](https://cdn.am.sputniknews.ru/img/2048/11/20481154_0:0:1521:1140_600x0_80_0_0_c1ea37a3c045678949eaf6fc608684e7.jpg)
ԱՄՆ-ից ժամանած Հիլդա Մալաքյանն ավելի շուտ էր ուզում Գյումրի գալ, բայց չէր ստացվում։ Երբ իմացել է, որ տոնակատարություններն այստեղ են անցկացվելու, որոշել է հենց այսօր գալ:
«Այդ մեկ մարդը դու ես». Գյումրիում մեծարել են վարչապետի մրցանակաբաշխության հերոսներին
«Շատ բարձր տրամադրություն է: Ես ուրախ եմ, որ Գյումրին նորից շնչում ու ծաղկում է, և մարդիկ նորից հումոր են անում: Ուղակի հիացած եմ: Ամեն ինչ հրաշալի է, և հուսամ, որ ամեն բան ավելի լավ է լինելու: Մենք պետք է տեղայնության հիվանդությանը վերջ տանք ու զարկ տանք այլ քաղաքների զարգացմանը»,- նշեց Հիլդա Մալաքյանը` ասելով, որ հնարավորությունը բաց չի թողել առաջին անգամ ֆայտոն նստելու:
![«Ծո՛, ինչղ լավ է, հբը օր կսեինք` աշխարհի կենտրոնը Գյումրին է». տոնական հայրաքաղաքը «Ծո՛, ինչղ լավ է, հբը օր կսեինք` աշխարհի կենտրոնը Գյումրին է». տոնական հայրաքաղաքը - Sputnik Արմենիա](https://cdn.am.sputniknews.ru/img/2048/14/20481480_0:0:1600:1200_600x0_80_0_0_ec24962d0b9e0552b106e7712196b16d.jpg)
Անկախության 28-րդ տարեդարձը Գյումրիում նշելը շատ ուրախացրել էր նաև մարզի այլ համայնքների բնակիչներին:
Արփի համայնքը Գյումրի էր եկել իր բերք ու բարիքով: «Եկել ենք շիլա-փլավով, խոզաբուծական ֆերմայի գոճիով, անարատ այծի պանրով, մածնով, ձվով և յուղով: Ամեն ինչ բնական է, առանց թունաքիմիկատների: Գյումրիում տոնն անցկացնելը, իրոք, աննախադեպ է»,- նշեց Արփի համայնքի աշխատակազմի քարտուղար Աղունիկ Հազրյանը: Տոնի կապակցությամբ Արփի համայնքի բերքն ու բարիքը որպես նվեր նրանք բաժանեցին ցանկացողներին:
![«Ծո՛, ինչղ լավ է, հբը օր կսեինք` աշխարհի կենտրոնը Գյումրին է». տոնական հայրաքաղաքը «Ծո՛, ինչղ լավ է, հբը օր կսեինք` աշխարհի կենտրոնը Գյումրին է». տոնական հայրաքաղաքը - Sputnik Արմենիա](https://cdn.am.sputniknews.ru/img/2048/11/20481174_0:0:1600:1200_600x0_80_0_0_aed03b2b0ad789a77efb917fab7c5649.jpg)
Գյումրեցիներն էլ շնորհավորանքով են իրենց օրը սկսում՝ չմոռանալով նաև շնորհակալություն հայտնել ՀՀ վարչապետին՝ անկախության տոնը իրենց քաղաքում նշելու որոշման համար:
«Սա շատ կարևոր է Գյումրու և գյումրեցիների համար: Գյումրին հյուրընկալ քաղաք է, ու բոլորի դռներն այսօր բաց են: Թող բոլորը գան: Սա այն քաղաքն է, որն իր դիմագիծն ու իր տեսակը պահել է: Գյումրու պես քաղաքներ աշխարհում քիչ կան»,-նշեց Վարդան Աճեմյանի անվան դրամատիկական թատրոնի դերասան Հովհաննես Հովհաննիսյանը` երկրի ղեկավարներին կոչ անելով պարզապես սիրել Գյումրին:
![«Ծո՛, ինչղ լավ է, հբը օր կսեինք` աշխարհի կենտրոնը Գյումրին է». տոնական հայրաքաղաքը «Ծո՛, ինչղ լավ է, հբը օր կսեինք` աշխարհի կենտրոնը Գյումրին է». տոնական հայրաքաղաքը - Sputnik Արմենիա](https://cdn.am.sputniknews.ru/img/2048/15/20481568_0:0:1600:1200_600x0_80_0_0_351ff309f51d2f7cd13ba6b8a6ce2720.jpg)
ՀՀ անկախության տոները մարզերում նշելու գաղափարը ողջունեց նաև գրոսմայստեր, Հայաստանի շախմատի քառակի չեմպիոն Սմբատ Լպուտյանը:
«Գաղափարը լավն է, քանի որ այս շունչը պետք է զգան ոչ միայն Երևանում, այլ բոլոր քաղաքներում: Սա մեզ համար ամենակարևոր օրերից է: Անկախ լինել և կարողանալ ներկայանալ աշխարհին քո տեսակով` մեծ երջանկությունն է: Դա մեր երազանքն է եղել»:
![«Ծո՛, ինչղ լավ է, հբը օր կսեինք` աշխարհի կենտրոնը Գյումրին է». տոնական հայրաքաղաքը «Ծո՛, ինչղ լավ է, հբը օր կսեինք` աշխարհի կենտրոնը Գյումրին է». տոնական հայրաքաղաքը - Sputnik Արմենիա](https://cdn.am.sputniknews.ru/img/2048/11/20481164_0:0:1435:1076_600x0_80_0_0_c5a8a548c5b7fe5a748c6b621abc8d6a.jpg)
Սեպտեմբերի 21-ին Հայաստանի Հանրապետության անկախության 28-ամյակի միջոցառումների հիմնական մասը՝ «Գուկաս Գյումրի» կարգախոսով, անցկացվում է Գյումրիում։ Քաղաքի տարբեր հարթակներում տեղի են ունենում համերգներ, ցուցադրություններ, հյուրասիրություն: