ԵՐԵՎԱՆ, 21 սեպտեմբերի – Sputnik. Հայաստանի Անկախության օրվա 28-ամյակի կապակցությամբ Թբիլիսիի հեռուստաաշտարակը հայկական դրոշի գույներով է «ներկվել»։ Այս մասին հայտնում է Վրաստանում Հայաստանի դեսպանությունը։
«Շնորհավոր տոնդ, Հայաստան, Վրաստանում ՀՀ դեսպանության նախաձեռնությամբ երկրորդ տարին անընդմեջ Թբիլիսիի հեռուստաաշտարակը լուսավորվել է Հայաստանի Հանրապետության դրոշի գույներով»,– նշված է դեսպանության Facebook–յան էջում։
Թբիլիսիի հեռուստաաշտարակն առաջին անգամ Հայաստանի դրոշի գույներով էր «ներկվել» անցյալ տարի։
Հայաստանն այս տարի տոնում է անկախության 28-ամյակը։ Տոնական օրվան նվիրված միջոցառումներն այս անգամ անցկացվելու են Գյումրիում։
