ԵՐԵՎԱՆ, 20 սեպտեմբերի — Sputnik. Վրացի երգիչ Սոսո Պավլիաշվիլին տեսաուղերձ է հրապարակել Instagram–ի իր էջում։ Տեսանյութում նա շնորհակալություն է հայտնում Երևանին երեք հրաշալի օրվա համար։
Երգիչը երախտիքի խոսքեր է հղում իր համերգների կազմակերպիչներին ու ասում, որ Հայաստան այցելելուց հետո ավելի ուժեղ ու իմաստուն է դարձել։
«Աստված մեզ խաղաղություն ու հավերժ ոգեշնչում տա։ Երևան, արդեն կարոտում եմ քեզ։ Միշտ քո ախպեր Սոսո Պավլիաշվիլի», – ասում է երգիչը։
Посмотреть эту публикацию в Instagram
Երաժիշտը խոստանում է անպայման վերադառնալ Հայաստան։
«Ես հիասքանչ հայ ընկերներ ունեմ». Սոսո Պավլիաշվիլին` հայերի ու երևանյան համերգների մասին
Երկրպագուներն արձագանքել են նրա ուղերձին և բազում հաճոյախոսություններ ու բարեմաղթանքներ հղել երգչին։ Ոմանք գրել են, թե որքան երջանիկ են, որ երգիչը հաճախ է Հայաստանի պես հիասքանչ երկիր այցելում։ Նրանք երգչին «մերոնքական» են համարում ու կարծում են, որ նա հայերի ու Հայաստանի իսկական բարեկամն է։
Նշենք, որ Պավլիաշվիլին նույնիսկ Երևանին նվիրված տեսահոլովակ ունի։
