ԵՐԵՎԱՆ, 20 սեպտեմբերի — Sputnik. Աշխարհի ու Եվրոպայի չեմպիոն ֆրանսիահայ ֆուտբոլիստ Յուրի Ջորկաեֆը նշանակվել է ՖԻՖԱ-ի հիմնադրամի գլխավոր տնօրեն:
Այս մասին տեղեկանում ենք ՖԻՖԱ–ի պաշտոնական կայքից: ՖԻՖԱ-ի հիմնադրամում նա կաշխատի Ջոյս Քուկի հետ:
«Հաճելի է Յուրի Ջորկաեֆին մեր շարքերում տեսնելը: Բացառիկ լավ կարիերայից զատ, նա նաև ավելի մեծ ներուժ ունի խաղադաշտից դուրս, քանի որ Ջորկաեֆը ֆուտբոլի միջոցով խթան է հանդիսացել սոցիալական փոփոխության»,-ասել է ՖԻՖԱ-ի նախագահ Ջանի Ինֆանտինոն:
Լուրը ուրախությամբ Facebook-յան իր էջում տեղադրել է նաև ՀՀ վարչապետ Նիկոլ Փաշինյանը և տեղեկացրել, որ Յուրի Ջորկաեֆն այս կարգավիճակով հոկտեմբերի 6-ից 9-ը կայցելի Հայաստան:
Ջորկաեֆի դպրոցական շարադրությունը կամ ինչու՞ Թուրքիան չսիրեց տաղանդավոր ֆուտբոլիստին
Նշենք, որ Ջորկաեֆը մասնակցել է սոցիալական զարգացման նախագծերին, որոնք ինքն էլ համակարգել է (Յուրի Ջորկաեֆի հիմնադրամ): ՖԻՖԱ-ի հիմնադրամում նա կաշխատի Ջոյս Քուկի հետ:
Ջորկաեֆը նաև հանդիսանում է VBET բրենդի դեսպան:
