Ադրբեջանի ռազմագերիների, պատանդների և անհայտ կորածների հարցերով պետական հանձնաժողովը հայտարարություն է տարածել` նշելով, որ Բաքուն պատրաստ է Հայաստանի 2 ռազմագերիներին փոխանակել ադրբեջանցի 2 դիվերսանտների հետ։
Արցախի Հանրապետության նախագահի մամուլի խոսնակ Դավիթ Բաբայանը Sputnik Արմենիայի հետ զրույցում նշում է, որ Ադրբեջանի առաջարկը ինքնին դիվանագիտական, իրավական, քաղաքական, մարդասիրական ահաբեկչություն է։
«Առաջարկել փոխանակել անմեղ մարդկանց, որոնց առանց այդ էլ Ադրբեջանը պարտավոր է ըստ բոլոր միջազգային նորմերի, օրենքների, կոնվենցիաների, դրույթների համաձայն վերադարձնել, ազատել գերությունից, փոխանակել նրանց ահաբեկիչների հետ, իրոք, ահաբեկչություն է»,–ասում է նա։
Ըստ Բաբայանի` խորհրդանշական է, որ այդ, այսպես կոչված, առաջարկը ադրբեջանական կողմը տարբեր միջազգային կառույցներին ուղարկել է սեպտեմբերի 11–ին։
«Սեպտեմբերի 11–ը ամբողջ աշխարհում նույնականացվում է որպես ահաբեկչությունից տուժած, գարշելի դրսևորման հիշողության օր` հաշվի առնելով Նյու Յորքում կատարված ահաբեկչությունը»,–հիշեցնում է Բաբայանը։
Ըստ Բաբայանի` միջազգային հանրությունը պապանձված է, որևէ մեկը, պետություն, անհատ բերանը անգամ չի բացում, և դա տեղի է ունենում նաև ներքին լսարանում։
Ովքեր են Ադրբեջանում պահվող հայերն ու հայկական կողմում պատիժ կրող ադրբեջանցիները
«Սա ևս մեկ անգամ ցույց է տալիս մեկ բան, որ մենք չպետք է հույսներս դնենք որևէ մեկի, որևէ կազմակերպության, այլ ինչ-որ ուժի վրա, մենք միշտ պետք է լինենք համախմբված, ուժեղ , միասնական ճիշտ աշխարհաքաղաքականություն վարենք, որպեսզի ահաբեկիչների հանդեպ կարողանանք պայքարել»,–հորդորում է նա։
Դավիթ Բաբայանը նշում է, որ Ադրբեջանի համար Արցախյան պետականության, հայոց պետականության կործանումն ու ոչնչացումը գերնպատակ է։ Նա ընդգծում է, որ եթե նույնիսկ արցախյան կողմը գերիների և պատանդների հանձնաժողովի դիմում ստանա, քննարկում լինել չի կարող։
Ինչպես արցախցիներն Ադրբեջանին առաջարկեցին վարձակալել Լաչինի միջանցքը. տեսանյութ
