ԵՐԵՎԱՆ, 17 սեպտեմբերի — Sputnik. ՀՀ երկրորդ նախագահ Ռոբերտ Քոչարյանի որդին` Լևոն Քոչարյանը, չի բացառում, որ ԱԱԾ–ի` արդեն նախկին տնօրեն Արթուր Վանեցյանի պաշտոնանկությունը կարող է կապված լինել Մարտի 1-ի գործի հետ։ Այս մասին նա ասաց այսօր` սեպտեմբերի 17-ին Երևանի ընդհանուր իրավասության դատարանի Շենգավիթի նստավայրում` Մարտի 1-ի գործով Ռոբերտ Քոչարյանի ու մի շարք այլ նախկին պաշտոնյաների նկատմամբ հերթական դատական նիստի մեկնարկից առաջ։
«Հնարավոր է։ Պարոն Վանեցյանը շատ հստակ ասաց այն պատճառները, որոնց պատճառով ինքը հրաժարական տվեց։ Չեմ կարող բացառել»,– ասաց Լևոն Քոչարյանը։
Ինչ վերաբերում է Մարտի 1-ի գործին ու Ռոբերտ Քոչարյանին առաջադրված մեղադրանքին, նրա որդին կարծիք հայտնեց, որ նախաքննական մարմնին այդպես էլ չհաջողվեց ապացուցել առաջադրված մեղադրանքը։
Երևանի ընդհանուր իրավասության դատարանի Շենգավիթի նստավայրի դիմաց այս պահին բողոքի ակցիաներ են ընթանում։ Դատարանն այսօր պետք է հրապարակի ՀՀ երկրորդ նախագահ Ռոբերտ Քոչարյանի խափանման միջոցը փոխելու միջնորդության վերաբերյալ որոշումը։
ՀՀ երկրորդ նախագահ Ռոբերտ Քոչարյանի և մյուսների գործով դատական վերջին նիստը կայացել է սեպտեմբերի 12-ին։
Դատական նիստին մասնակցում էին ինչպես Ռոբերտ Քոչարյանը, այնպես էլ ՀԱՊԿ նախկին նախագահ Յուրի Խաչատուրովը, ՀՀ պաշտպանության նախկին նախարար Սեյրան Օհանյանն ու ՀՀ երկրորդ նախագահ Ռոբերտ Քոչարյանի աշխատակազմի նախկին ղեկավար Արմեն Գևորգյանը։
Արթուր Վանեցյանից հետո պաշտոնից կազատվեն նաև Տոնոյանն ու Օսիպյանը. «Ժողովուրդ»
Քոչարյանի պաշտպանները նրան անհապաղ ազատելու միջնորդություն էին ներկայացրել, դատախազներն էլ` Քոչարյանի խափանման միջոցը չփոխելու միջնորդություն։
ՀՀ երկրորդ նախագահը ելույթով հանդես եկավ` ասելով, որ սա ՀՀ պատմության մեջ ամենախայտառակ գործն է։
Իմ հրաժարականը թող լինի «Կանգ առ»-ի սթափեցնող քայլ. Վանեցյանը խոսել է իր հրաժարականի մասին
