ԵՐԵՎԱՆ, 13 սեպտեմբերի – Sputnik. Դավիթ Բեկ փողոցում՝ «Վազգեն Սարգսյանի անվան ռազմական համալսարանի» դիմաց տեղադրված արագաչափ սարքը գողացողը ներկայացել է ոստիկանություն: Այս մասին հայտնում է ՀՀ ոստիկանության կայքը:
Տեխնիկական միջոցների գործադրմամբ արագաչափ սարքը գողանալու մասին ահազանգը ոստիկանության Նոր նորքի բաժնում ստացել են սեպտեմբերի 12-ին:
Վրաերթ Չարենցի փողոցում. 26-ամյա աղջիկը տեղափոխվել է հիվանդանոց
Նոր Նորքի քրեական հետախույզները տեղեկություններ են ստացել գողությունը կատարելու մեջ կասկածվող անձի ինքնության վերաբերյալ։
«Երևանի բնակիչ 32-ամյա տղամարդու հետ տարված բացատրական աշխատանքի շնորհիվ նա ներկայացավ ոստիկանության Նոր Նորքի բաժին ու տվեց խոստովանական բացատրություն»,-նշվում է ոստիկանության հաղորդագրության մեջ։
Գողացված արագաչափը հայտնաբերվել է։
Դեպքի առթիվ նյութեր են նախապատրաստվում։
Վրաերթ` «Զվարթնոց» օդանավակայան տանող ճանապարհին. 12–ամյա աղջիկը տեղում մահացել է
Նշենք, որ Դավիթ Բեկ փողոցում վարորդները հաճախ են գերազանցում արագությունը, ինչի հետևանքով այնտեղ վթարների պակաս չկա: Լինում են նաև վրաերթեր, որոնցից վերջինի մասին Sputnik Արմենիան գրել է:
Երևանում երիտասարդ վարորդը վրաերթի է ենթարկել 2 ուսանողի
Սեպտեմբերի 5-ի երեկոյան Դավիթ Բեկի փողոցում վրաերթի էին ենթարկել 49 և 42-ամյա երկու տղամարդու։ Տղամարդկանց վրաերթի ենթարկած վարորդը դեպքի վայրից դիմել էր փախուստի և բախվել մոտակայքում կայանված մեքենային։ Վրաերթի ենթարկված տղամարդկանցից կրտսերը հոսպիտալացվելուց րոպեներ անց հիվանդանոցում մահացել էր։
