ԵՐԵՎԱՆ, 12 սեպտեմբերի - Sputnik. Ականատեսն Ամազոնայում ցնցող տեսանյութ է նկարահանել այն մասին, թե ինչպես են անակոնդան ու կոկորդիլոսը մահացու մենամարտի մեջ մտնում։ Այս մասին հայտնում է Daily Mail–ը։
Տեսանյութը նկարահանել է ամերիկացի Քևին Դուլին, որը բրազիլական Պանտանտալ արգելոցում երկու սողունների մարտի ականատեսն է դարձել։ Գետում նավակով լողալիս տղամարդը նկարահանելիս է եղել տեղանքը, երբ նրա ուշադրությունը գրավել է ջրի ձայնը։ Դուլին տեսել է` ինչպես է հսկայական օձը հարձակվում կոկորդիլոսի վրա ու մի քանի անգամ պտտվում նրա մարմի շուրջը։
Ուրարտական օձ. եվրոպացի գիտնականները օձի նոր տեսակը կոչել են Ուրարտու թագավորության պատվին
Մարտը տասը րոպե է տևում։ Անակոնդան կոտրում է կոկորդիլոսի վերջույթները, իսկ կոկորդիլոսը՝ հասցնում բռնել նրան ժանիքներով։ Արդյունքում օձն իր որսի հետ ջրի տակ է անցնում։
