ԵՐԵՎԱՆ, 4 սեպտեմբերի - Sputnik. Google-ը թողարկել է Android 10-ը, և այն արդեն հասանելի է բոլոր Pixel սմարթֆոնների համար։ Մյուս սարքավորումները կթարմացվեն ավելի ուշ։ Այս մասին նշված է օպերացիոն համակարգի պաշտոնական կայքում։
Ընկերությունը սմարթֆոնների կառավարումը տեղափոխել է ժեստերի «դաշտ»: Ավելացվել է ամբողջովին մութ թեման, իսկ օպերացիոն համակարգը «սովորել է» հարմարվել օգտատիրոջը մեքենայական ուսուցման շնորհիվ։
Android 10-ում նոր գործառույթներ են ավելացել։ Օրինակ` լսողական ապարատները այսուհետ հնարավոր է օգտագործել որպես անլար գարնիտուր։
Փարիզում կտուգանեն չափազանց աղմկոտ մեքենաների վարորդներին
Նոր գործառույթից կարող են օգտվել Pixel 3, Pixel 3 XL, Pixel 3a և Pixel 3a XL սմարթֆոնների օգտատերերը։ Դրա համար ReSound LiNX Quattro, Beltone Amaze ու Cochlear Nucleus 7 ապրանքանիշների լսողական ապարատներ են անհրաժեշտ։ Google-ն օպերացիոն համակարգի այդ հատվածի ելակետային կոդը տեղադրել է բաց հասանելիությամբ։ Այդ իսկ պատճառով գործառույթը շուտով հասանելի կլինի նաև այլ սմարթֆոնների համար։
Օգտատերերին մնում է սպասել թարմացումներին։
