ԵՐԵՎԱՆ, 4 սեպտեմբերի — Sputnik. Ամենայն հայոց կաթողիկոս Ն.Ս.Օ.Տ.Տ. Գարեգին Բ–ի եղբայրը հեծանիվով է տնից եկեղեցի գնում։ Այս մասին Facebook սոցիալական ցանցի իր էջում լուսանկար է հրապարակել Մոսկվայի հայ առաքելական եկեղեցու լրագրող Ալվարդ Նազարյանը։
«Հեծանիվով տուն և եկեղեցի։ Եվ այսպես՝ տարիներ շարունակ»,–գրել է Նազարյանը` լուսանկարին կից։
Նշենք, որ Գարեգին Բ–ի եղբայրը Գերաշնորհ Տ. Եզրաս արքեպիսկոպոս Ներսիսյանն է, որը Ռուսաստանի և Նոր Նախիջևանի Հայոց թեմի առաջնորդն է։
Տ. Եզրաս արքեպիսկոպոս Ներսիսյանը 2001թ.–ի ապրիլից, Գարեգին Բ–ի հայրապետական բարձր տնօրինությամբ, նշանակվել է Նոր Նախիջևանի և Ռուսաստանի հայոց թեմի առաջնորդ և Մոսկվայի ու Համայն Ռուսիո պատրիարքությունում՝ Հայ Եկեղեցու ներկայացուցիչ։
2001–ի սեպտեմբերի 30-ին Ն.Ս.Օ.Տ.Տ. Գարեգին Բ. Ամենայն Հայոց Կաթողիկոսը նրան ձեռնադրել է եպիսկոպոս։ 2013–ի սեպտեմբերի 17-ին Ն.Ս.Օ.Տ.Տ Գարեգին Բ Ամենայն Հայոց Կաթողիկոսի կողմից Տ. Եզրաս եպիսկոպոս Ներսիսյանին շնորհվել է Արքության պատիվ՝ որպես նրա նվիրյալ և նախանձախնդիր ծառայության գնահատական։
ՀՀ վարչապետը Ռուսաստանի և Նոր Նախիջևանի թեմի Առաջնորդանիստ եկեղեցում
