Sputnik Արմենիայի ղեկավար Դմիտրի Պիսարենկոն հիշում է, որ 1997 թվականին Արցախում ամենատարածված մանկական խաղը բոբսիկն էր։ Թե ինչ է իրենից ներկայացնում այդ խաղն ու ինչպես էին այն խաղում, կարող եք իմանալ НТВ–ի հետ համատեղ իրականացվող «Ժամանակի մեքենա» նախագծի արխիվային ռեպորտաժից։
Այն տարիներին արցախյան դպրոցներում պարտադիր զինվորական պատրաստություն էին անցնում ու սովորում էին Արցախի աշխարհագրությունը։ Այդ գիտելիքները պետք կգային, եթե նորից պատերազմ սկսվեր։ Դասասենյակներում ջեռուցում չկար։ Դասերի ժամանակ երեխաները վառարաններ էին վառում, իսկ դասամիջոցներին բակում ֆուտբոլ խաղալով էին տաքանում։
Sputnik Արմենիայի ղեկավար Դմիտրի Պիսարենկոն 1993–2001 թվականներին Երևանում НТВ-ի թղթակիցն է եղել և պահպանել է այդ ժամանակաշրջանի ամենավառ իրադարձությունների վերաբերյալ ռեպորտաժները, ինչի հիման վրա НТВ-ի հետ համատեղ իրականացվում է «Ժամանակի մեքենա» նախագիծը։
Խոտ և թնդանոթ․ ինչո՞ւ են Կալիֆոռնիայի հայերը զենք գնում և կանեփ աճեցնում
Sputnik Արմենիայի կայքում հրապարակվող և անցյալին վերաբերող տեսանյութերի միջոցով մեր ընթերցողներն էլ կարող են դառնալ 1996–2001 թվականներին տեղի ունեցած ուշագրավ իրադարձությունների ականատեսը։
