ԵՐԵՎԱՆ, 3 սեպտեմբերի-Sputnik. «Պոբեդա» ընկերության ինքնաթիռի` օգոստոսի 20-ին Գյումրու «Շիրակ» օդանավակայանում կոշտ վայրէջք կատարելու դեպքի առթիվ քննություն է տարվում։ Այս մասին այսօր լրագրողների հետ զրույցում ասաց Քաղավիացիայի թռիչքային պիտանելիության վարչության պետ Կարեն Գյուրջյանը։
Արդեն հայտնել էինք, որ «Պոբեդա» ավիաընկերության ինքնաթիռը Գյումրու «Շիրակ» օդանավակայանում վայրէջք կատարելիս ետնամասով հպվել էր վազքուղուն, ինչի հետևանքով պոչամասը վնասվել էր: Ինքնաթիռում եղել էր 173 ուղևոր:
«Պոբեդայի» պահուստային ինքնաթիռը քաղաքացիներին տեղափոխել է Մոսկվա
Կեսգիշերն անց «Պոբեդա» ավիաընկերության պահուստային ինքնաթիռն իրականացրել էր նախատեսված չվերթն ու քաղաքացիներին տեղափոխել Մոսկվա։
«Միջադեպի հետ կապված քննությունը հանձնվել է ՌԴ ավիացիոն իշխանություններին։ Քննության արդյունքները, սակայն, դեռ հայտնի չեն»,–ասաց նա։
Ինչ վերաբերում է «Պոբեդայի»` ավելի վաղ արած հայտարարությանը, թե Գյումրու օդանավակայանում վառելիքի թերլցման հետևանքով դադարեցնում է Մոսկվա- Գյումրի չվերթի ձմեռային տոմսերի վաճառքը՝ Գյուրջյանը նշեց, որ ինքն անձամբ այցելել է Գյումրի ու իրավիճակին ծանոթացել։
«Վառելիքի թերլցման խնդիրն արդեն լուծվել է։ Ես ինքս եղել եմ Գյումրիում, ստուգումներ ենք իրականացրել։ Խնդիրը լուծված է»,–ասաց նա։
«Խուճապ չկար, որոշ ուղևորներ ճչում էին». ուղևոր Հակոբյանը` A-321–ի կոշտ վայրէջքի մասին
Նշենք, որ «Պոբեդա» լոուքոստերը Ռուսաստանում ամենաերիտասարդներից է։ Ավիափոխադրող ընկերության առաջին ինքնաթիռն օդ է բարձրացել 2014 թվականի դեկտեմբերի 1-ին։
