ԵՐԵՎԱՆ, 1 սեպտեմբերի — Sputnik, Ժաննա Պողոսյան․ Նոր ուսումնական տարվա կապակցությամբ Տավուշի մարզի չորս գյուղերի առաջին դասարանցիները նոր դպրոցական պայուսակներ ու գրենական պիտույքներ են նվեր ստացել։ Պառավաքար, Ներքին Կարմիր Աղբյուր, Այգեպար ու Մովսես գյուղի սահմանամերձ գյուղերի երեխաները սիրով են ընդունել նվերները։
![Նաիրուհու գործը շարունակում է եղբայրը. նվերներ` սահմանամերձ գյուղերի առաջին դասարանցիներին Նաիրուհու գործը շարունակում է եղբայրը. նվերներ` սահմանամերձ գյուղերի առաջին դասարանցիներին - Sputnik Արմենիա](https://cdn.am.sputniknews.ru/img/2025/11/20251132_0:0:1600:1068_600x0_80_0_0_fee7d148d617ea6263a2a11bd1d3443f.jpg)
«Սահմանամերձ գյուղում 22 առաջին դասարանցի ունենալը ուրախալի ու հազվադեպ երևույթ է, նույնիսկ Բերդում ու Իջևանում այսքան մեծ դասարաններ չեն լինում»,- հպարտությամբ նշում են Պառավաքարի դպրոցում։
![Նաիրուհու գործը շարունակում է եղբայրը. նվերներ` սահմանամերձ գյուղերի առաջին դասարանցիներին Նաիրուհու գործը շարունակում է եղբայրը. նվերներ` սահմանամերձ գյուղերի առաջին դասարանցիներին - Sputnik Արմենիա](https://cdn.am.sputniknews.ru/img/2025/12/20251223_0:0:1600:1067_600x0_80_0_0_5223927480f9a3bc8ad68c38240873b0.jpg)
Այս տարի Մովսեսում 10 առաջին դասարանցի է դպրոց հաճախում, Այգեպարում՝ 8, Ներքին Կարմի Աղբյուրում՝ 7։ Աղջիկների ու տղաների հարաբերակցությունը միայն Մովսեսում է անհամաչափ, այստեղ առաջին դասարանցիների թվում գերակշռողն աղջիկներն են. այստեղ 8 աղջիկների հետ առաջին դասարանում նաև 2 տղա կսովորի։
![Նաիրուհու գործը շարունակում է եղբայրը. նվերներ` սահմանամերձ գյուղերի առաջին դասարանցիներին Նաիրուհու գործը շարունակում է եղբայրը. նվերներ` սահմանամերձ գյուղերի առաջին դասարանցիներին - Sputnik Արմենիա](https://cdn.am.sputniknews.ru/img/2025/11/20251127_0:0:1600:1067_600x0_80_0_0_7e761045bc30bb1b8c8c791785c0c95b.jpg)
Երեխաներին ու նրանց ծնողներին նվերներով ուրախացրել է «Նաիրուհի» հիմնադրամը, որն անվանվել է ի հիշատակ Արա լեռան վրա ձնահոսքի հետևանքով մահացած Նաիրուհի Սիմոնյանի։ Ողբերգությունը տեղի է ունեցել 2018 թվականի հունվարի 28-ին։ Լեռնային վերելքներից բացի, Նաիրուհին զբաղվում էր նաև բարեգործական նախագծերով, տարին երկու անգամ սահմանամերձ գյուղեր էր գնում, երեխաներին գրենական պիտույքներ, հագուստ ու քաղցրավենիք նվիրում։
![Նաիրուհու գործը շարունակում է եղբայրը. նվերներ` սահմանամերձ գյուղերի առաջին դասարանցիներին Նաիրուհու գործը շարունակում է եղբայրը. նվերներ` սահմանամերձ գյուղերի առաջին դասարանցիներին - Sputnik Արմենիա](https://cdn.am.sputniknews.ru/img/2025/10/20251009_0:0:1600:1067_600x0_80_0_0_b59c09d1c8ceef8edc9c907dfaf3698b.jpg)
«Երեկ ընկերոջս հետ խոսելիս ասացի՝ էրեխեքս Տավուշում սպասում են ինձ,- հուզմունքը զսպելով ասում է Նաիրուհու կրտսեր եղբայրը՝ Տարոնը, - ես շարունակում եմ նրա գործը ու քանի ողջ եմ, կշարունակեմ»։
![Նաիրուհու գործը շարունակում է եղբայրը. նվերներ` սահմանամերձ գյուղերի առաջին դասարանցիներին Նաիրուհու գործը շարունակում է եղբայրը. նվերներ` սահմանամերձ գյուղերի առաջին դասարանցիներին - Sputnik Արմենիա](https://cdn.am.sputniknews.ru/img/2025/09/20250908_0:0:1600:1077_600x0_80_0_0_096b69e7cb10f39bf1d2f35161330c09.jpg)
Էդգար Նավասարդյանը, որը ողբերգական արշավի ժամանակ ուղեկցում էր խմբին, ձնահոսքի հետևանքով կոտրել է ոտքը։ Նրան վեց անգամ վիրահատել են ու դեռ առնվազն երկու անգամ էլ վիրահատելու են, կոտրվածքը բարդ է։ Այժմ նա հատուկ սարքավորումների միջոցով է քայլում։ Սարի վրա մահացած ընկերուհու գործը շարունակելու գաղափարը հիվանդանոցում է ծագել։
![Նաիրուհու գործը շարունակում է եղբայրը. նվերներ` սահմանամերձ գյուղերի առաջին դասարանցիներին Նաիրուհու գործը շարունակում է եղբայրը. նվերներ` սահմանամերձ գյուղերի առաջին դասարանցիներին - Sputnik Արմենիա](https://cdn.am.sputniknews.ru/img/2025/09/20250918_0:0:1600:1067_600x0_80_0_0_842610589b8fa0d4cd85bad7237abad6.jpg)
«Հիմնադրամը ոչ միայն բարեգործական ծրագրեր է իրականացնելու գյուղերում, այլև օգնություն է ցուցաբերելու այն լեռնագնացներին, որոնք տուժել են արշավների ընթացքում»,- ասում է Էդգարը։ Մարդն, իհարկե, տարերքը հաղթահարելու հնարավորություն չունի, սակայն հոգեբանական ու ֆինանսական աջակցությունն այն բանն է, որն օգնել է ինձ վերականգնվել։
![Նաիրուհու գործը շարունակում է եղբայրը. նվերներ` սահմանամերձ գյուղերի առաջին դասարանցիներին Նաիրուհու գործը շարունակում է եղբայրը. նվերներ` սահմանամերձ գյուղերի առաջին դասարանցիներին - Sputnik Արմենիա](https://cdn.am.sputniknews.ru/img/2025/09/20250913_0:0:1600:1069_600x0_80_0_0_4c29bd1b047f2974c36003bfb5b17abc.jpg)
«Նաիրի» հիմնադրամը նաև դասընթացներ է անցկացնում ու սովորեցնում է լեռնագնացներին ու լեռների սիրահարներին անվտանգ սար բարձրանալ։ Նաիրուհու, Արա լեռան վերելքի ու «Նաիրուհի» հիմնադրամի ստեղծման մասին Sputnik Արմենիան կպատմի առանձին։