ԵՐԵՎԱՆ, 31 օգոստոսի - Sputnik. ՀՀ վարչապետ Նիկոլ Փաշինյանը շնորհավորել է Բելառուսի Հանրապետության նախագահ Ալեքսանդր Լուկաշենկոյին՝ ծննդյան 65-րդ տարեդարձի առիթով: Այս մասին տեղեկացնում է ՀՀ վարչապետի աշխատակազմի տեղեկատվության և հասարակայնության հետ կապերի վարչությունը:
«Հարգանքի են արժանի Ձեր բազմամյա, արգասաբեր ջանքերը՝ Բելառուսի շահերի պաշտպանության, ժողովրդի բարեկեցության ապահովման և կյանքի որակի բարձրացման ուղղությամբ»,– ասված է ուղերձում:
ՀՀ վարչապետը վստահություն է հայտնել, որ համատեղ ջանքերով կհաջողվի Հայաստանի և Բելառուսի միջև ավանդաբար բարեկամական հարաբերությունները հարստացնել որակապես նոր բովանդակությամբ, այդ թվում և՛ ԵԱՏՄ, և՛ այլ ինտեգրացիոն միավորումների շրջանակում փոխշահավետ համագործակցության միջոցով` ի շահ երկու երկրների ժողովուրդների:
«Հաճույքով եմ հիշում իմ վերջին այցը Բելառուս». Սարգսյանը շնորհավորել է Լուկաշենկոյին
Շնորհավորական ուղերձի վերջում Փաշինյանը Լուկաշենկոյին մաղթել է քաջառողջություն, բարգավաճում և մեծ հաջողություններ պատասխանատու պետական գործունեության մեջ։
