ԵՐԵՎԱՆ, 28 օգոստոսի — Sputnik. ՀԱՊԿ անդամ պետությունների արտգործնախարարների հանդիպումը նախատեսվում է անցկացնել սեպտեմբերի 27-ին Նյու Յորքում։ Այս մասին գրված է ՀԱՊԿ–ի կայքում։
Նշվում է, որ հանդիպումը նախատեսվում է անցկացնել ՄԱԿ–ի ԳԱ 74-րդ նստաշրջանի ընթացքում։
Այդ հանդիպման նախապատրաստական ընթացքը քննարկվել է օգոստոսի 28-ին ՀԱՊԿ մշտական խորհրդի նիստի ժամանակ։
Նիստի մասնակիցները քննարկել են նաև Հավաքական անվտանգության խորհրդի նստաշրջանի, արտգործնախարարների, պաշտպանության նախարարների խորհրդի համատեղ նիստի և անվտանգության խորհուրդների քարտուղարների կոմիտեի օրակարգերի նախագծերը։
Բացի այդ, մշտական խորհուրդը քննարկել է քաղաքական հայտարարությունների մի շարք նախագծեր, որոնք վերաբերում են Համաշխարհային երկրորդ պատերազմի 80-ամյակին, Աֆղանստանի իրավիճակին, Մերձավոր Արևելքում և Հյուսիսային Աֆրիկայում իրավիճակի կայունացմանը, ինչպես նաև աշխարհում կայունության ապահովմանն ու նացիզմի հերոսացման դեմ պայքարին։
ՀԱՊԿ-ի նախկին գլխավոր քարտուղար Յուրի Խաչատուրովին թույլ չեն տվել ՀՀ–ից մեկնել Վրաստան
Նշենք, որ ՀԱՊԿ անդամ երկրների արտգործնախարարների նախորդ հանդիպումը կայացել է մայիսի 22-ին Բիշքեկում։
ՀԱՊԿ անդամ են Հայաստանը, Ռուսաստանը, Բելառուսը, Ղազախստանը, Ղրղըզստանն ու Տաջիկստանը։
