ԵՐԵՎԱՆ, 27 օգոստոսի – Sputnik. Հայաստանի վարչապետ Նիկոլ Փաշինյանը յուրօրինակ նվեր է ստացել՝ «Ռեալ Մադրիդ» ֆուտբոլային ակումբի 1902 թվականի շապիկ։ Այս մասին Facebook-ի իր էջում հայտնում է օգտատերերից Տիգրան Մազմանյանը։
Շապիկին վրա մեկ տասնյակից ավելի ստորագրություններ կան, որոնք արվել են ակումբի ֆուտբոլիստների կողմից։ Մազմանյանը լուսանկարին գրառում է կցել, որում ասում է, որ ֆուտբոլիստ Սերխիո Ռամեսը ստորագրելուց հետո չէր ուզում վերադարձնել շապիկը։
Ֆուտբոլի սիրահարները մեկնաբանություններում սկսել են ակտիվորեն քննարկել վարչապետի՝ իսպանական ակումբի երկրպագու լինելը։ Օգտատերերից շատերը վկայակոչել են Փաշինյանի «Բարսելոնա» ֆուտբոլային ակումբի շապիկը, որը նա կրում էր մարզասրահում մարզվելիս։
Ջորկաեֆի դպրոցական շարադրությունը կամ ինչու՞ Թուրքիան չսիրեց տաղանդավոր ֆուտբոլիստին
«Բարսելոնա» և «Ռեալ Մադրիդ» ֆուտբոլային ակումբները տասնամյակների մրցակցության պատմություն ունեն։ Անգամ Իսպանիայից դուրս ֆուտբոլի երկրպագուները խստորեն բաժանվում են երկու ճամբարի՝ «ռեալցիների» և «բարսելոնցիների»։ Երկու ակումբներին միաժամանակ երկրպագելը գրեթե անհնար է։
