ԵՐԵՎԱՆ, 27 օգոստոսի – Sputnik. Facebook-ն Instagram-ի համար ինքնավար մեսենջեր է մշակում, որը կոչվելու է Threads: Այս մասին հայտնում է The Verge-ը։
Պարբերականի աշխատակիցները կարծում են, որ հավելվածը պետք է դառնա Snapchat-ի կրկնօրինակը և «որսա» այդ հավելվածի օգտատերերին ու բերի Instagram։ Facebook-ը դեռ փորձարկում է ծառայությունը, և առայժմ հայտնի չէ՝ կոնկրետ երբ կթողակվի այն։
![Instagram-ը սեփական մեսենջերը կունենա․ ինչ գործառույթներ է ունենալու նոր գործիքը Instagram-ը սեփական մեսենջերը կունենա․ ինչ գործառույթներ է ունենալու նոր գործիքը - Sputnik Արմենիա](https://cdn.am.sputniknews.ru/img/2019/53/20195391_0:0:922:613_600x0_80_0_0_77ad3ae3d5ecfda273625d23eedc59a2.jpg)
Threads-ի օգտատերերը կկարողանան շփվել նրանց հետո, ովքեր իրենց կավելացնեն «լավագույն ընկերների» ցուցակում։
Այ քեզ բան. անվտանգ մեսենջերը, անվարորդ ավտոբուսն ու «բա հետո»-ն
Մեսենջերի միջոցով հնարավոր կլինի ուղարկել նամակներ, նկարներ և տեսանյութեր, ինչպես նաև փոխանցել տեղանքի կոորդինատները։
![Instagram-ը սեփական մեսենջերը կունենա․ ինչ գործառույթներ է ունենալու նոր գործիքը Instagram-ը սեփական մեսենջերը կունենա․ ինչ գործառույթներ է ունենալու նոր գործիքը - Sputnik Արմենիա](https://cdn.am.sputniknews.ru/img/2019/53/20195396_0:0:922:613_600x0_80_0_0_af90631e7b8e87385cb9bfc1a896a34b.jpg)
Հիշեցնենք, որ մայիսին Instagram-ը դադարեցրեց 2017 թվականից մշակվող Direct ինքնավար մեսենջերի հետ կապված աշխատանքները։ Բետա թեստավորման ժամանակ օգտատերերը չէին հավանել նամակ փոխանցելու համար մեկ հավելվածից մյուսն անցնելու անհրաժեշտությունը։