Հանրապետական մարզադաշտում վաղուց ֆուտբոլային հույզերի նման հրավառություն չէր եղել: «Արարատ-Արմենիա»-«Դյուդելանժ» (Լյուքսեմբուրգ). գրեթե հավասար խաղամակարդիկի թիմերը ֆուտբոլասերներին ակտիվ ու բուռն էմոցիաներով հարուստ ֆուտբոլ պարգևեցին, հատկապես հայ երկրպագուներին. մինչև հանդիպման նախավերջին րոպեն՝ 1:1 ու… ԳՈ՜Լ մրցավարի ավելացրած ժամանակում՝ 2:1…: Ի՞նչը կարող է ավելի հրաշալի լինել այդ պահին:
Բացառիկ տեսանյութ. ինչպես են երկրպագուները տոնում «Արարատ–Արմենիայի» հաղթանակը
Հազարավոր մարդկանց երջանկության ու հույզերի բռնկում՝ ոգևորություն, ծիծաղ, ուրախության արցունքներ, ու՝ այդքան քաղցր հաղթանակի բերկրանք:
Հրաշալի հաղթանակ լրացուցիչ ժամանակում. «Արարատ–Արմենիան» առաջ անցավ «Դյուդելանժից»
Սա՛ ֆուտբոլն է: Այ, այսպիսի՝ կրքոտ ու հուզառատ ֆուտբոլին ենք կարոտել: Ու հուսով ենք այդ կարոտն առնել: Իսկ Եվրոպայի լիգայի խմբային փուլի փափագելի ուղեգիրը նվաճելու և տոնը շարունակելու հնարավորությունն այնքան իրական է, որքան դեռ չի եղել: Sputnik Արմենիան ներկայացնում է խաղի ուշագրավ դրվագներն ու երկրպագուների էմոցիաները` լուսանկարների տեսքով։
