Հրաշալի հաղթանակ լրացուցիչ ժամանակում. «Արարատ–Արմենիան» առաջ անցավ  «Դյուդելանժից»

ԵՐԵՎԱՆ, 22 օգոստոսի - Sputnik. Երևանի Վազգեն Սարգսյանի անվան Հանրապետական մարզադաշտում «Արարատ Արմենիան» 2:1 հաշվով հաղթեց Լյուքսեմբուրգի «Դյուդելանժին»:

Ինչպես արդեն տեղեկացրել ենք՝ խաղի մեկնարկին թեթև հետախուզությունից հետո Վարդան Մինասյանի սաները սկսեցին վերահսկել խաղի ընթացքը և առաջին խաղակեսի միջնամասում՝ 23-րդ րոպեին, հարձակվող Մաիլսոն Լիման գեղեցիկ հարվածով գրավեց մրցակցի դարպասը:

Երկրորդ խաղակեսում՝ խաղի 68-րդ րոպեին, հյուրերին հաջողվեց վերականգնել հաշվի տարբերությունը, և Դանել Սինանին գոլ խփեց` հաշիվը դարձնելով 1։1։

Սակայն «Արարատ Արմենիան» կարողացավ հաղթանակ տանել:

Մրցավարի ավելացրած ժամանակի 3-րդ րոպեին հաղթական գոլը խփեց Իլյա Անտոնովը:

Հիշեցնենք, որ Երևանի Վազգեն Սարգսյանի անվան Հանրապետական մարզադաշտում անցկացվեց ԵԼ որակավորման 4–րդ փուլի «Արարատ–Արմենիա»- «Դյուդելանժ» հանդիպումը։

Այս փուլը հաղթահարելու դեպքում հայկական ակումբն առաջին անգամ հնարավորություն կունենա հանդես գալ Եվրագավաթային մրցաշարի խմբային փուլում։

Նշենք, որ պատասխան հանդիպումը տեղի կունենա Լյուքսեմբուրգում, օգոստոսի 29-ին։

Հրաշալի մեկնարկ փլեյ-օֆֆում. «Արարատ-Արմենիան» խփեց իր առաջին գոլը. տեսանյութ

Ինչպես է ՀՖՖ նախագահը հետևել «Արարատ-Արմենիայի» խաղին. նրա խորհրդականը գրառում է արել

Կեցցե՛ք, տղերք. Նիկոլ Փաշինյանի գրառումը «Արարատ-Արմենիայի» տարած հաղթանակի կապակցությամբ