ԵՐԵՎԱՆ, 22 օգոստոսի — Sputnik. «Ձյունիկ սառնարանում» մի քանի օր շարունակվող հրդեհի օջախներից հաջողվել է դուրս բերել տարբեր տեսակի և նշանակության ապրանքներ ու բեռներ։ Այս մասին հայտնում է ՀՀ Արտակարգ իրավիճակների նախարարությունը։
«Հրշեջ-փրկարարների անձնուրաց աշխատանքի շնորհիվ հաջողվել է կրակի օջախներից դուրս բերել մի քանի հարյուր տոննա տարբեր տեսակի և նշանակության ապրանքներ և բեռներ»,–նշված է ԱԻՆ հաղորդագրության մեջ։
Նշենք, որ հրդեհը բռնկվել էր դեռ օգոստոսի 19–ին։ Հրդեհաշիջման աշխատանքներին մասնակցում են ԱԻՆ Երևան քաղաքի փրկարարական վարչության հրշեջ-փրկարարական ջոկատից 12 մարտական հաշվարկ, 5 ավտոսանդուղք:
Հրդեհաշիջման աշխատանքների ընթացքը պարբերաբար զեկուցվում է ԱԻ նախարար Ֆելիքս Ցոլակյանին:
«Ձյունիկ սառնարանում» բռնկված հրդեհը դեռ մարել չի հաջողվել. նախարարը դեպքի վայրում է
Երբ պատերը կրակից հալվում են. «Ձյունիկ սառնարան» կոմբինատի հրդեհի մարման կադրերը
