ԵՐԵՎԱՆ, 21 օգոստոսի — Sputnik. Սասեքսի դքսուհի Մեգան Մարքլը որդու` Արչիի համար նոր դայակ է վարձել, հայտնում է The Sun–ը։
Բրիտանական թագավորական ընտանիքի պատմության մեջ առաջին անգամ դայակը սևամորթ կին է։ Նրան լուսանկարել են Նիցայի օդանավակայանում, երբ Սասեքսները բարձրանում էին մասնավոր օդանավ` տուն վերադառնալու համար։
Մեգան Մարքլն ու արքայազն Հարրին շատ գոհ են աշխատողից։
Արքայազն Հարրիի կինն օգնականին «Աստծու նվեր» է համարում։
«Նա փոքրիկ Արչիի հետ լավ լեզու է գտել և շատ է սիրում նրան։ Հարրին և Մեգանը շատ գոհ են նրանից», – հայտնել է պարբերականի աղբյուրը։
Դայակը Ֆրոգմորի քոթեջում չի ապրելու։ Սակայն նա այնտեղ անցկացնում է իր ժամանակի մեծ մասը։ Սեպտեմբերին Աֆրիկա կատարելիք պաշտոնական այցի ժամանակ կինը կուղեկցի Սասեքսների դուքսերին և Արչիին։
Սա փոքրիկ Արչիի երրորդ դայակն է վերջին 3 ամսվա ընթացքում։ Առաջին դայակն ընդամենը 2 շաբաթ աշխատեց, երկրորդը` 1 ամսից մի փոքր պակաս։ Երկուսն էլ պնդում էին, որ Մարքլն առանց վերահսկողության իրենց մեկ քայլ անգամ թույլ չէր տալիս անել։
Մեգանը բավական քննադատաբար է վերաբերվում անձնակազմի վարձակալությանը։ Նա թեկնածուների համար խիստ հարցազրույցներ է կազմակերպում։ Դրա համար նրան նույնիսկ «բարդ դքսուհի» են անվանել։
