ԵՐԵՎԱՆ, 21 օգոստոսի – Sputnik. Չինաստանում ներկայացրել են առաջին կլոնավորված կատվին։ Կատուն պատկանում է բրիտանական կարճամազ տեսակին և կրում է «Սխտոր» անվանումը։ Այս մասին հայտնում է ZOL-ը։
China’s first cloned cat, Garlic, debuted today. This British short-haired cat borne naturally by a surrogate mummy cat on July 21 this year is in good health and bears the same name as another cat that died. #clon pic.twitter.com/LPIvoY5RGb
— Yicai Global 第一财经 (@yicaichina) August 20, 2019
Կատուն «ծնվել» է հուլիսի 21-ին, բայց գիտնականները ցուցադրել են նրան երեկ՝ օգոստոսի 20-ին։ Նրան Սխտոր են անվանել հիվանդությունից սատկած մի կատվի պատվին, որից վերցրել էին գենային նյութերը։ Վերջինիս տերը՝ Խուանգ Յուն, պատմել է, որ կատուն չափազանց կարևոր ու սիրելի էր իր համար, դրա համար էլ որոշել էր կլոնավորել նրան։
Այ քեզ բան․ տպած միսը, խափանումներով աշխատող «խելացի» համակարգերը և «անօդաչու» «կատաֆալկը»
Sinogene-ի գլխավոր գիտական աշխատակից Լայ Լյանսյուեն հայտնել է, որ կլոնավորված կատուներն արտաքինով նման են օրիգինալներին, բայց բնավորությամբ տարբեր են։ Նրա խոսքով՝ Սխտորը կապրի այնքան, որքան սովորական կատուները։
Գիտնականները պատրաստվում են կլոնավորման ծառայություններ մատուցել գումարի դիմաց։ Կատվին կլոնավորելու ծառայությունը կարժենա մոտ 17 միլիոն դրամ։ Ընկերությունը նաև մոտ 25 միլիոն դրամի դիմաց կլոնավորում է շներին։
