ԵՐԵՎԱՆ, 20 օգոստոսի — Sputnik. 2019 թվականի առաջին կիսամյակում Հայաստանի ՀՆԱ-ն աճել է 5%-ով։ Այս մասին վկայում են Հայաստանի Ազգային վիճակագրական ծառայության տվյալները։
Այս տարվա առաջին կիսամյակում ՀՆԱ-ն կազմել է մոտ 2 տրիլիոն 596 միլիարդ դրամ։
Այս տարվա երկրորդ եռամսյակում տնտեսությունը աշխուժացրել են հիմնականում սեզոնային գործոնները․ շինարարությունը (ընդ որում՝ ոչ միայն ճանապարհային, այլև բնակարանային) ու գյուղատնտեսությունը։ Միրգ-բանջարեղենի բերքին զուգահեռ աճում են նաև արդյունաբերության ցուցանիշները՝ պահածոների գործարանների աշխատանքի հաշվին։ Սեզոնային ևս մեկ գործոն՝ նվազել է էլեկտրականության ու գազի սպառումը։
Նախորդ տարվա համեմատ զգալիորեն աճել է ֆինանսական ծառայությունների ծավալը։ Կենտրոնական բանկի վիճակագրությունը փաստում է, որ մեծ աճ է գրանցվել սպառողական վարկերի հարցում։ Եթե 2018-ի մայիսին գումարային պորտֆելը մոտ 570 միլիարդ դրամ էր կազմում, ապա այս տարվա մայիսին՝ արդեն մոտ 780 միլիարդ դոլար։ Այլ կերպ ասած՝ աճը 37% է։
Համեմատության համար ասենք՝ վերամշակող արդյունաբերության վարկերն էլ են զգալիորեն աճել, բայց ավելի քիչ՝ 11%-ով։
Մեր երկրի ամենակարևոր խնդիրներից մեկը ռացիոնալությունն է. Փաշինյան
Ամենայն հավանականությամբ, ավելի շատ վարկ են սկսել վերցնել մեքենա գնելու համար․ մարդիկ ուզում հասցնել մեքենա գնել մինչ Հայաստանն անցնի մեքենաների համար նախատեսված եվրասիական, ավելի բարձր տուրքերին։
ՀՆԱ՝ համախառն ներքին արդյունքը, միկրոէկոնոմիկական ցուցանիշ է, որը արտացոլում է պետության տարածքում մեկ տարվա մեջ տնտեսության բոլոր ոլորտներում արտադրած բոլոր վերջնական ապրանքների ու ծառայությունների (այսինքն՝ անմիջապես օգտագործման համար նախատեսված) շուկայական արժեքը։
