00:00
01:00
02:00
03:00
04:00
05:00
06:00
07:00
08:00
09:00
10:00
11:00
12:00
13:00
14:00
15:00
16:00
17:00
18:00
19:00
20:00
21:00
22:00
23:00
00:00
01:00
02:00
03:00
04:00
05:00
06:00
07:00
08:00
09:00
10:00
11:00
12:00
13:00
14:00
15:00
16:00
17:00
18:00
19:00
20:00
21:00
22:00
23:00
Ուղիղ եթեր
09:00
5 ր
Ուղիղ եթեր
09:28
2 ր
Ուղիղ եթեր
09:30
30 ր
Ուղիղ եթեր
10:00
3 ր
Ուղիղ եթեր
10:07
53 ր
Ուղիղ եթեր
11:00
3 ր
Ուղիղ եթեր
13:00
5 ր
Ուղիղ եթեր
14:00
4 ր
Ուղիղ եթեր
17:00
5 ր
Ուղիղ եթեր
18:00
4 ր
5 րոպե Դուլյանի հետ
18:04
8 ր
Ուղիղ եթեր
19:00
4 ր
Ուղիղ եթեր
09:00
4 ր
Ուղիղ եթեր
09:26
4 ր
Ուղիղ եթեր
Ուրիշ նորություններ
09:34
26 ր
Ուղիղ եթեր
Լուրեր
10:00
46 ր
Ուղիղ եթեր
Ուրիշ նորություններ
10:47
5 ր
Ուղիղ եթեր
Լուրեր
11:00
46 ր
Ուղիղ եթեր
Լուրեր
13:00
46 ր
Ուղիղ եթեր
Լուրեր
14:00
46 ր
Ուղիղ եթեր
Լուրեր
17:00
46 ր
Ուղիղ եթեր
Լուրեր
18:00
46 ր
Ուղիղ եթեր
Լուրեր
19:00
46 ր
ԵրեկԱյսօր
Եթեր
ք. Երևան106.0
ք. Երևան106.0
ք. Գյումրի90.1

Հասկացել եմ, որ երբեմն «արյունը ջուր է դառնում». անկեղծ զրույց Լիլիթ Կարապետյանի հետ

© Sputnik / Asatur YesayantsПевица Лилит Карапетян
Певица Лилит Карапетян - Sputnik Արմենիա
Բաժանորդագրվել

90-ականներից հայտնի երգչուհին կարծում է, որ հիմա շատ հեշտ է երգիչ դառնալը, քանի որ տեխնիկական բոլոր հնարավորությունները կան, որ թեկուզ վատ երգածը դառնա իդեալական. ընդամենը գումար է անհրաժեշտ: Sputnik Արմենիայի թղթակից Աստղիկ Սուքիասյանը զրուցել է երգչուհի Լիլիթ Կարապետյանի հետ:

© Sputnik / Asatur Yesayantsերգչուհի Լիլիթ Կարապետյանը
Հասկացել եմ, որ երբեմն «արյունը ջուր է դառնում». անկեղծ զրույց Լիլիթ Կարապետյանի հետ - Sputnik Արմենիա
երգչուհի Լիլիթ Կարապետյանը

-90-ականներին Դուք Ձեր հայտնիության գագաթնակետին էիք: Հեռուստատեսային հաղորդումներ, իրար հաջորդող տեսահոլովակներ, իսկ այժմ ավելի շատ ակումբներում եք երգում: Ինչո՞վ է դա պայմանավորված:

-Յուրաքանչյուր արտիստի կյանքում լինում են հայտնիության վերելքներ և ավելի հանգիստ շրջան: Լռությունս, սակայն, իմ ցանկությամբ չեղավ: Իմ և եղբորս՝ Կարեն Կրաապետյանի երաժշտական ուղին սկսվեց «Արձագանք» ստուդիայից: Մենք երգում էինք մեր գրած երգերը, եղբայրս նաև գործիքավորում էր:  Այն ժամանակ համերգներ էինք տալիս լեփ-լեցուն դահլիճներում: Եղավ պահ, որ մենք դուրս եկանք «Արձագանք» ստուդիայից, իսկ թշնամիները շատ էին: Մեր բոլոր ճանապարհները փակում էին, եթերներից զրկված էինք, և մենք դարձանք արգելված երգիչներ:

Մեծահարուստ հայերի երեխաների հարսանիքները ներառվել են 2017 թ.-ի ամենաշքեղների ցուցակում
«Սև ցուցակի» առաջին հորիզոնականում լինելն ինձ խանգարեց մեծ բեմերում ելույթ ունենալ, իսկ ես ապրելու խնդիր ունեի լուծելու: Այդ էր պատճառը, որ սկսեցի ակումբներում երգել:

- 90-ականների համեմատ այժմ հայտնի դառնալը հեշտացել է, և շատերն են նոր տեսահոլովակներ նկարահանում: Դուք ստեղծագործական ի՞նչ նորություններ  ունեք:

-Այժմ սպասում եմ նոր երգի: Կլինի նոր տեսահոլովակ: Համոզված եմ, որ այժմ սկսնակ երգիչների համար ավելի հեշտ է հայտնի դառնալ ու սիրվել, քանի  որ տեխնիկական բոլոր հնարավորությունները կան, և եթե ունես գումար և լավ թիմ, շատ հեշտությամբ կարող ես առաջ գնալ: Իսկ մեզ համար դժվար է, որովհետև մեր արած աշխատանքը չպետք  է զիջի նախորդին, մեզնից ակնկալիքներն ավելի մեծ են:

© Sputnik / Asatur Yesayantsերգչուհի Լիլիթ Կարապետյանը
Հասկացել եմ, որ երբեմն «արյունը ջուր է դառնում». անկեղծ զրույց Լիլիթ Կարապետյանի հետ - Sputnik Արմենիա
երգչուհի Լիլիթ Կարապետյանը

-Մի անգամ ասել եք, որ կյանքը հարվածում է շատ ուժեղ մարդկանց: Ի՞նչ խորհուրդ կտաք նրանց, ովքեր կարծում են, որ կյանքը կոտրել է իրենց, և ուժ չունեն իրավիճակը հաղթահարելու: Նման պահերին ի՞նչն է Ձեզ ուժ տվել:

-Իմ կյանքում երկու դժբախտություն եղավ. 24 տարեկան էի, երբ կորցրեցի իմ սիրելի տղամարդուն և եղբորս: Այդ ժամանակ ես վշտի մեջ էի և ուժասպառ էի եղել: Նման պահերին է, որ վերևից կարծես գերբնական ուժ է տրվում մարդուն: Ես մտածում էի, որ եթե իմ եղբայրը ողջ  լիներ՝ կպնդեր, որ ես երգեմ: Դա ինձ ուժ տվեց, և ես շարունակեցի երգել: Մարդիկ պետք է հասկանան, որ դժվարին իրավիճակներ միշտ էլ կարող են լինել․ պարզապես պետք է արժանապատվորեն  հաղթահարել դժվարությունները։

- Երբեմն հայտնվում եք սոցցանցային քննադատությունների կիզակետում: Նման իրավիճակներում նեղսրտո՞ւմ եք, թե՞ արհամարում:

-Բնականաբար, նման քննադատությունների մեծ մասն ուղղորդված են: Միայն ատում եմ, երբ անձնական վիրավորանք են հասցնում մեկնաբանության միջոցով: Ես համարում եմ, որ նման մարդրիկ ներքուստ շատ չար են: Երբեմն դիտավորյալ գրում են բաներ, որ մարդու սրտին ցավ պատճառեն: Երբ նոր էի գրանցվել սոցցանցերում, եղել են պահեր, որ շատ ծանր եմ տարել, բայց հետո հասկացա, որ դրանով ինձ եմ վնասում: Հիմա  մեծամասամբ աչք եմ փակում այդ մեկնաբանությունների վրա:

-Նշել եք, որ Ձեր անձնական կյանքը տանուլ եք տվել հանուն երգի: Հիմա է՞լ եք այդպես մտածում:

 -Իհարկե այդպես եմ մտածում: Երկու անգամ իմ անձնական կյանքը տանուլ եմ տվել հենց երգել-չերգելու հետ կապված և չեմ փոշմանում: Ես համարում եմ, որ երգելը վատ բան չէ, ընդհակառակը՝ ես մարդկանց ուրախացնում եմ, դա էլ իմ առաքելությունն է: Ես հանուն երգի այնքան զոհաբերությունների եմ գնացել. եթե ես երգչուհի չլինեի, հիմա ամուսնացած էլ կլինեի, ևս մի քանի երեխա էլ կունենայի, բայց չգիտեմ` երջանիկ կլինեի, թե ոչ:

© Sputnik / Asatur YesayantsԵրգչուհի Լիլիթ Կարապետյանը
Հասկացել եմ, որ երբեմն «արյունը ջուր է դառնում». անկեղծ զրույց Լիլիթ Կարապետյանի հետ - Sputnik Արմենիա
Երգչուհի Լիլիթ Կարապետյանը

-Ի՞նչ է երեխան փոխում կնոջ կյանքում:

- Երեխան փոխում է ամեն ինչ: Որդիս արդեն 10 տարեկան է, և նա 10 տարի ինձ ուժ է տալիս ապրելու համար: Եթե մինչև երեխայիս ծնվելը շատ հարցեր ինձ համար մեծ խնդիր էին, հիմա անգամ ծիծաղս է գալիս:

-Երկու տարի առաջ, երբ Ձեր որդին՝ Կարենը երգեց Ձեզ հետ միասին, ի՞նչ զգացիք:

-Մարդու միտքը ուժ ունի, և այն կապված է տիեզերքի հետ: Ես դեռ չգիտեի, որ երեխա եմ ունենալու, բայց երազ տեսա, որ տղա է ծնվելու: Ես  անգամ երեխայի սեռի մասին չէի մտածում, ես վստահ էի, որ տղա եմ ունենալու, որ Կարեն է ծնվելու: Ես գիտեի, որ եղբայրս վերածնվելու է իմ որդու միջոցով: Խորհուրդ եմ տալիս բոլոր ապագա մայրիկներին, որ լավը մտածեն, որ երազեն հղիության ընթացքում, որովհետև ամեն ինչ կատարվում է:

View this post on Instagram

A post shared by Lilit Karapetyan (@lilitkarapetyan_official) on

Լիլիթ Կարապետյանն ուզում է կարծիք լսել. նա դիմել է երկրպագուներին
-Եղավ մի պահ, որ Ձեր որդին չէր ցանկանում որևէ կապ ունենալ իր հոր՝ Դավիթ Թուջարյանի հետ: Հինգ տարվա դադարից հետո այժմ Ձեր որդին տեսնվում է հոր հետ: Ի՞նչ ներդրում եք ունեցել նրանց հարաբերությունների վերականգնման գործում:

-Միշտ նեղսրտում եմ, որ մարդիկ ենթադրություններ են անում և մեղադրում՝ չպատկերացնելով, թե նման իրավիճակում իրենք ինչպես կվարվեին: Իմ որդին իսկապես չէր ցանկանում տեսնել իր հորը: Անցան տարիներ: Դավիթն ինձ զանգահարեց, մենք խոսեցինք, և ես որդուս համոզեցի, որ տեսնի իր հայրիկին, բայց այնպես չի, որ հիմա չեմ համոզում: Իմ կյանքի փորձից հասկացել եմ, որ երբեմն «արյունը ջուր է դառնում», որովհետև երեխան միշտ ուշադրության կարիք ունի:

-Գլխավոր խորհուրդը, որ տալիս եք Ձեր որդուն:

-Նա պետք է լավ  մարդ դառնա: Ես պարբերաբար որդուս հետ խոսում եմ, որ լավ մարդը պետք է բարի լինի, մեծերին հարգի, լավ սովորի…

View this post on Instagram

A post shared by Lilit Karapetyan (@lilitkarapetyan_official) on

-Ինչի՞ համար եք այս կյանքում շնորհակալ:

- Ես շնորհակալ եմ Աստծուն իմ կյանքում կատարված և՛ լավի, և՛ վատի համար: Շնորհակալ եմ, որ ես մայր եմ, որ ունեմ իմ Կարենին: Ցանկացած կնոջ ամենամեծ առաքելությունը մայրանալն է: 

Լրահոս
0