Քաղաքագետ Սերգեյ Շաքարյանցը Sputnik Արմենիայի հետ զրույցում խոսել է Կասպից ծովի հատակով անցկացվելիք տրանսկասպյան գազամուղի կառուցման հնարավորության մասին։
«Իրանն ի սկզբանե կտրականապես դեմ է եղել Կասպից ծովի հատակով որևէ գազամուղ անցկացնելու՝ ամերիկյան, անգլիական և որևէ այլ կողմի նախաձեռնությանը»,–ասում է Սերգեյ Շաքարյանցը։
Հայաստանն ու Ռուսաստանը կսկսեն քննարկել գազի գնի նոր սխեման
Ըստ քաղաքագետի՝ այս անգամ նույնպես չկա որևէ պատճառ ենթադրելու, որ Իրանը փոխում է իր կարծիքը: Որքան էլ Ադերբեջանը, Իսրայելը և մնացած ուժերը սատարեն այդ գաղափարին, այնուամենայնիվ, Իրանի որոշումն առնվազն 20 տարի անփոփոխ է՝ կապված Կասպից ծովի ընդերքի հետ։
«Դժվար Իրանի որոշումը փոխվի, քանի որ նախևառաջ ասպարեզ են բերում մի գաղափար, որ գազամուղի անցկացումը կարող է խոշոր վնաս հասցնել ծովափնյա տարածքներին։ Բացի այդ, Իրանը մշտապես պնդում է, որ Կասպից ծովի ֆլորան ու ֆաունան յուրահատուկ են»,–նշում է քաղաքագետը։
Շաքարյանցի խոսքով՝ տրանսկասպյան գազամուղի հարցով Ադերբեջանն ավելի շատ է շահագրգրված, քան Թուրքմենստանը։
«Ադրբեջանը խոստացել է Թուրքմենստանին որոշակի դիվիդենտներ»,–ասում է Շաքարյանցը։
Գազի կովկասյան զարկերակը կանցնի՞ Հայաստանով. Երևանը կարող է փոխարինել Բաքվին, եթե...
Հիշեցնենք, որ Իրանը դեմ է արտահայտվել Կասպից ծովում գազատարի կառուցմանը, քանի որ դա կարող է լուրջ վնաս հասցնել տարածաշրջանի էկոլոգիային, այդ մասին հայտարարել է իրանական «Ազգային գազ» ընկերության ներկայացուցիչ Բեհրուզ Նամդարին: Եվրամիության և ԱՄՆ-ի ակտիվ աջակցությամբ Կասպից ծովի ավազանի երկու երկրներ՝ Ադրբեջանն ու Թուրքմենստանը փորձում են կյանքի կոչել Տրանսկասպյան գազամուղը, որը պետք է անցնի Կասպից ծովի հատակով ու միանալով Ադրբեջանի էներգետիկ համակարգին՝ թուրքմենական գազն արտահանի Թուրքիա ու Եվրամիություն։
