ԵՐԵՎԱՆ, 19 օգոստոսի — Sputnik. Սարատովի ոստիկանները ստուգում են հաղորդագրությունն այն մասին, որ քաղաքի խանութներից մեկում տղամարդը կոնֆետների վրա մկնդեղ է լցրել։ Այս մասին հայտնում է ՌԻԱ Նովոստին։
Ստուգումների համար առիթ է հանդիսացել խանութներից մեկի տեսախցիկից ստացված ձայնագրությունը։ Կադրերում երևում է, որ գլխանոցով տղամարդը տոպրակից ինչ–որ բան է թափ տալիս ապրանքի վրա։ Ենթադրաբար՝ մկնդեղ։ Դա նկատած խանութի աշխատակցուհին ոստիկանություն է կանչել։
Սարատովի ոստիկանության մամուլի ծառայության տեղեկատվության համաձայն` ձերբակալվածը 41-ամյա տղամարդ է, որը հոգեկան խնդիրներ ունի: Այժմ նրան փոխանցել են մասնագետների, նա գտնվում է համապատասխան բուժհաստատությունում։
Ինչպես է մկնդեղը հայտնվել Հայաստանից արտահանված ձկնամթերքում. Գեորգի Ավետիսյան
Ավելի վաղ` օգոստոսի 16-ին, Ռուսաստանի Ուլյանովսկ քաղաքում երկու տղամարդ էր մահացել, 6-ը՝ ծանր վիճակում հիվանդանոց տեղափոխվել։ Պատճառը տան պայմաններում պատրաստված արևածաղկի ձեթից թունավորումն էր։ Նրա մեջ մկնդեղ էին հայտնաբերել։
